Pampetudungia 1:2 - Sura Malelaha

² Mewali hinangka au kuita iti kuuki bona kupahaweakau Ngkorana Pue Ala hai apa au napatongawaamona Yesu Kerisitu.

Pampetudungia 1:2 ပူးပေါင်းရင်းမြစ်များ

Yohane 1:32

Ara wori posabina Yohane, nauli node, “Nguru-nguruna bara mani kuisa kaYesuna Datu Topehompo. Agaiana Pue Ala motuduna moriu tauna hai owai, Nauliangaana node: ‘Ane nuita Inao Malelaha mendaulu hai mengkatoa i hadua tauna, Iami au ina meriu hai Inao Malelaha.’ Mewali, kuita mpuumi Inao Malelaha mendaulu hangko i suruga nodo tadasi manggebodo hai maida i Yesu. Ido hai kuuli, Yesu iami Anana Pue Ala.”

Yohane 12:17

Ara worihe bosa tauna i Yerusale au hihimbela hai Yesu i pokakioNa Lasaru hangko i lalu talumba i kaNapatuwona hule. Tauna iti mololita liliuhe kana i apa au mewali iti.

Yohane 19:35

Tauna au moita apa au mewali iti, iami au mopahaweakau apa au naita bona mepoinalai worikau. Lolitana ide tou, hai naisa apa au napololita ide tou.

Yohane 21:24

TopeguruNa Yesu itimi au mopahawe hinangka au raita mata, hai au mouki ope-ope iti i lalu sura ide. Hai kiisa posabina iti tou.

Yohane 3:11

Tou ide lolitangKu: Mampololitangkai apa au kiisa, mosabingkai apa au kiita. Agaiana barakau mau modoko lolitangki.

Suro 22:15

Oiomi au ina mewali sabiNa mopahawe i ope-ope tauna apa au nuita hai au nuhadimi.

Suro 26:16

Meangkamoko! Kupatongawaako wataNgku, lawi ara tunggaiaKu irio: Kupileimoko mewali hawiNgku hai sabiNgku. Oio hangangaa mopahawe i tauna ntanina apa au nuitami i alo ide hai apa au Kupopaitaako i alo-alo au ina mai.

Suro 4:20

Lawi barapi peisa kipengkaroongaa mampololita apa au kiita hai au kihadimi.”

1 Korintu 1:6

Ope-ope iti mopakanoto kamarohona pepoinalaimi i bambari kana i Kerisitu au kipahaweakau,

1 Korintu 2:1

Halalu, kahawengku i boeami hangkoia, kupahaweamokau bambari au hangko i Pue Ala. I tempo iti, barana mopake basa au mapangka ba lolita au moula kamapandeku sadudua.

1 Yohane 1:1

Sura ide mampololita kana i Ngkora au mopaara katuwo. Ngkora iti, arami hangko i nguru-nguruna, kihadimi, kiita matami, kisabikimi hai kipetobomi.

1 Yohane 4:14

Ikami au mewali suroNa, moitamongkai Anana Pue Ala, hai kisabikimi kaIana mpuu au natudu Pue Ala Umanta mewali Datu Topehorema i ope-ope tauna i dunia.

3 Yohane 1:12

Demetrius, ratoia ope-ope tauna. Ia hintoto mpuu ratoia, lawi babehiana moula paturo au tou. Kitoia wori, hai nuisa katouna lolitangki.

Pampetudungia 1:11

nauli, “Apa au nuita, nuuki i sura hai nupakatuahe jumaa au pitu ide: Epesu, Smirna, Pergamus, Tiatira, Sardis, Filadelfia hai Laodikia.”

Pampetudungia 1:19

Mewali, ukimide apa au nuita inona, apa au mewali i tempo ide, hai apa au ina mewali.

Pampetudungia 1:9

Iko, Yohane, halalumi i lalu hangana Yesu. Himbela karapopeahi-ahinta anti peulanta i Yesu, hai himbela kamolambita kira i lalu poparentana Pue Ala, hai himbela wori kamantahata mohalea pepopeahi-ahi iti. Ratendena i lewuto au rahanga Patmos lawi mopahawena Ngkorana Pue Ala hai mosabina kana i Yesu au kupenombai.

Pampetudungia 12:11

Halalunta au hampepepoinalai iti monangimohe Datu Tokadake. Menangihe hai kuasa wahena Ana Dimba au mate mohoremahe hangko i huku dosanda. Menangihe lawi mopangaku liliuhe ka Ana Dimbana Ampunda. Menangihe lawi kehapirihe rapopeahi-ahi ba rapapate, barahe mousuli hangko i pepoinalainda.

Pampetudungia 12:17

Masodo ntepuumi naga i towawine iti. Ido hai laomi mampombealaa pemuleanahe towawine iti au ntanina, iami tauna au mampeulaihe hawana Pue Ala hai au mopangaku kaYesuna Ampunda.

Pampetudungia 20:4

Roo indo, kuita bahangkia kadera kadatua au rapohudai tauna au raweihe kuasa mobotusi kara-kara. Kuita wori tanoananda tauna au rabohoki tambolonda anti popangakunda kaYesuna Ampunda hai popahawenda Ngkorana Pue Ala. Tauna iti, barahe hambela menomba i binata au kadake ba i lengge binata iti, hai bara worihe modoko tanda binata i wingkenda ba i taienda. Ido hai tuwo hulehe hai moparentahe hihimbela hai Kerisitu i lalu hasabu parena.

Pampetudungia 22:21

Kuharunga bona Pue Yesu mowati ope-ope taunana Pue Ala!

Pampetudungia 6:9

Roo indo, kuita wori Ana Dimba iti mobungkahi pene au kalima. Kuita i woi meja pohuwea popenomba, ara tanoananda tauna au rapapate anti popahawenda Ngkorana Pue Ala hai mopangaku liliuhe kaYesuna Ampunda.