Matiu 5:46 - Sura Malelaha

⁴⁶ Ane mampokaahi peakau tauna au mampokaahikau, babehiami iti barakau ina nahurungia Pue Ala. Mogalori toperuru asele au niimba nodo topodongko, maahihe i tauna au mampokaahihe.

Matiu 5:46 ပူးပေါင်းရင်းမြစ်များ

Matiu 11:19

KamaiNgku Ana Manusia, maenuNa anggoro hai maandeNa. Agaiana nisapuaka woriNa, niuli, ‘Peita! Topehioro, tomalangu, ranganda toperuru asele hai tomadosa!’ Agaiana nauri nodo, kamanotona rarana Pue Ala tongawa i lalu katuwonda tauna au mampeulai peundeaNa.”

Matiu 18:17

Ane bara naunde mampehadingi lolitanda sabi iti, nupahawemi i ope-ope halalumi hampepepoinalai. Ane bara liliu napoinalai kehapiri ope-ope halalumi hampepepoinalai mokambaroa, pogiangaamide, hai niimbami nodo tauna au bara moisa Pue Ala hai au kadake babehiana.

Matiu 5:47

Ane maroa pea lalumi i himadami, ba niuli maroami babehiami? Mogalori tauna au bara moisa Pue Ala, nodo wori rababehi.

Matiu 6:1

“Nipamaroa-roa ineekau mobabehi rara mpoagama i lindonda tauna bosa bona raita peakau hangka rangami. Lawi ane nodo babehiami, barakau ina nawati Pue Ala, Umami au ara i suruga.

Markus 2:15

Roo indo, Yesu hai topeguruNa maandehe i souna Lewi. Tanganda maande, hawe worihe bosa toperuru asele hai tauna ntanina maande sambela hai ihira, lawi bosamohe i olonda au mewali topeulana Yesu. Tauna iti raimbahe tauna au kadake babehianda.

Markus 2:16

Inditi arahe bahangkia guru agama au moula paturonda toParisi. Kamoitanda Yesu maande hihimbela hai tauna au kadake babehianda, mekunehe guru agama iti i topeguruNa, rauli, “Moapari pane gurumi maande sambela hai toperuru asele hai tomadosa?”

Lukasi 15:1

Hambela tempo, bosa toperuru asele hai tauna ntanina mai i Yesu lawi mampeinaohe mampehadingi lolitaNa. Ihira raimbahe tauna kadake.

Lukasi 18:13

Agaiana toperuru asele iti, meangka kakarao, hai bara bai mengoa i langi. Anti kanaisana kamadosana, mohapa-hapami pondana, nauli, ‘O Pue Ala! Nupokaahi wongkoia, lawi ide iko tauna au madosana!’ ”

Lukasi 19:2

I boea iti, ara hadua kapala toperuru asele au pebuku, hangana Sakeu.

Lukasi 19:7

Karaitana tauna bosa apa au mewali iti, mohume-humemohe, rauli, “Ae, moapari pane Ia mesonda i souna tomadosa?”

Lukasi 3:12

Ara worihe toperuru asele au lao mampoperiu i Yohane. Mekunehe, rauli, “Guru, apami au hintoto kibabehi?”

Lukasi 5:29

Roo indo, Lewi mamposusai mahile Yesu i souna, hai arahe bosa toperuru asele hai tauna ntanina au rakakio maande sambela hai ihira.

Lukasi 5:30

Inditi ara worihe toParisi hai guru-guru agama au mampeulai paturonda toParisi. Ihira mosasalaihe Yesu i topeguruNa, rauli, “Moapari pane ikamu maande hai maenu hihimbela hai toperuru asele hai tauna ntanina au kadake babehianda?”

Lukasi 7:29

Lolitana Yesu iti rahadi ope-ope tauna, tepesua toperuru asele. Tauna bosa iti mampokanamohe ope-ope tunggaiana Pue Ala, lawi roomohe mampoperiu i Yohane.

Lukasi 7:34

KamaiNgku Ana Manusia, maenuNa anggoro hai maandeNa. Agaiana nisapuaka woriNa, niuli, ‘Peita! Topehioro, tomalangu, ranganda toperuru asele hai tomadosa!’