Matiu 4:23 - Sura Malelaha

²³ Yesu molumao i humalele tampo Galilea hai mepaturo i ope-ope sou penombaa. Ia mopahawe Ngkora Marasa kana i poparentana Pue Ala, hai mopakaoha worihe ope-ope tauna au mahai hai au bara masilolonga watanda.

Matiu 4:23 ပူးပေါင်းရင်းမြစ်များ

Matiu 11:5

au bilo meitami, au palu molumaomi, au ketangga maohami, au bongo mehadimi, tauna au mate Kupatuwo hule, hai Ngkora Marasa Kupahawemi i tauna au meahi-ahi tuwonda.

Matiu 12:9

Padumi Yesu hangko inditi, laomi i sou penombaanda to Yahudi.

Matiu 13:19

Tinuda au manawo i tanga rara lempona tauna au mampehadingi mpuu bambari kana i poparentana Pue Ala, agaiana barahe moisa lempona. Hawemi Datu Tokadake morampaki ngkora iti hangko i lalunda.

Matiu 13:54

lao i boea karapakahileaNa. Inditi, Ia mepaturo i lalu sou penombaa. Tingkaramohe tauna au mampehadingi lolitaNa, rauli, “Hemari au mopaturo pane nodo kamapandeNa? Hai hangko iumba mai kuasaNa mobabehi tanda kuasa?

Matiu 14:14

Pendauluna Yesu hangko i duanga, Ia moita tauna bosa indo. Maahi laluNa moitahe, hai Napakaohahe au mahai.

Matiu 24:14

Hai Ngkora Marasa kana i poparentana Pue Ala batena rabambari i humalele dunia bona rahadi ope-ope tauna, hangko haweri kahopoa dunia.”

Matiu 3:2

nauliangaahe, “Menosomokau hangko i dosami, lawi barapi mahae ina hawe poparentana Pue Ala i dunia.”

Matiu 9:35

Nodomi Yesu mampolumaongi boea-boeana. Ia mepaturo i sou penombaa, mopahawe Ngkora Marasa kana i poparentana Pue Ala. Napakaoha wori ope-ope tauna au mahai hai au bara masilolonga watanda.

Markus 1:14

Bahangkia kamahaena hangko inditi, rahakami Yohane Toperiu hai ratarunggu. I tempo iti, laomi Yesu i tampo Galilea, hai mopahawe Ngkora Marasa hangko i Pue Ala,

Markus 1:21

Hangko inditi, Yesu hai topeguruNa laohe i boea Kapernaum. I Alo Pengkarooangaanda to Yahudi, mesuami Yesu i lalu sou penombaa hai mepongka mepaguru.

Markus 1:39

Ido hai laomi Yesu mobambari Ngkorana Pue Ala i ope-ope boea i tampo Galilea hihimbela hai topeguruNa. Ia mepaguru i sou penombaa au ara inditi, hai mampopeloho tokadake au mesua i tauna.

Markus 6:2

I Alo Penombaa, laomi i sou penombaa mepaguru. Bosa tauna tingkara mohadi paturona Yesu, hai rauli, “Hangko iumbari mai kapandeNa? Kapande apa au ara Iria? Hangko iumbari mai kuasaNa mobabehi tanda kuasa?

Markus 6:6

Tingkara mpuu Yesu moita kadanda mepoinalai Iria. Roo indo, laomi Yesu molumaohi boea-boea au hungku inditi hai mopaguru tauna.

Lukasi 10:9

Nipakaoha tomahai au ara i lalu boea iti, hai niuliangaahe ampu boea: ‘Ina hawemi poparentana Pue Ala irikamu.’

Lukasi 13:10

Hambela tempo, Yesu mepaturo i sou penombaa i Alo Pengkarooangaa.

Lukasi 16:16

Mepongka hangkoia duuna kahawena Yohane Toperiu, Aturana Musa hai suranda nabi-nabi rabambarimi hai rapaturoahe tauna. Agaiana mepongka ide-ide, Ngkora Marasa kana i poparentana Pue Ala au rabambari liliu. Ido hai bosa tauna mopari-pari mesua i lalu poparentaNa.

Lukasi 20:1

Hambela tempo, Yesu mepaturo hai mopahawe Ngkora Marasa i tauna bosa au mogulu i Souna Pue Ala. Unga peahe hawe kapala-kapala tadulako mpenomba hai guru-guru agama hai totosaenda to Yahudi. Mekunehe i Yesu, rauli,

Lukasi 4:14

Roo indo, mesulemi Yesu lao i tampo Galilea, hai Ia nakuasai Inao Malelaha. Bambari kana Iria tehawukami i humalele tampo Galilea.

Lukasi 5:17

Hambela tempo, tangana Yesu mepaturo, arahe bahangkia toParisi hai guru-guru agama au mohuda inditi. Ihira hawe hangko i boeanda i tampo Galilea, Yudea, hai hangko i wanua Yerusale. Kuasana Pue Ala ara i Yesu, ido hai Nabuku mopakaoha tomahai.

Lukasi 6:17

Roo indo, mempanaulumi Yesu hihimbela hai topeguruNa. Mengkaroomohe i lempena, lawi inditi bosahe tauna au meula Iria mepegia. Inditi ara worihe bosa tauna au hangko i humalele tamponda to Yahudi, hangko i wanua Yerusale hai hangko i wanua Tirus hai Sidon au i wiwi ntahi.

Lukasi 6:6

Hambela tempo i Alo Pengkarooangaa wori, laomi Yesu i sou penombaanda to Yahudi hai mepaturo inditi. I sou penombaa iti, ara hadua tauna au mate taie koanana.

Lukasi 7:21

I tempo iti wori, Yesu mopakaoha bosa tauna hangko i hakinda, pantodihanda hai mampopeloho seta hangko i tauna au napesuangi. Napakaoha worihe tobilo bona meitahe.

Lukasi 7:22

Mewali, Yesu mohanaihe topeguruna Yohane, Nauli, “Mesulemokau, hai nipetumbuia Yohane apa au niita hai au nihadi: au bilo meitami, au palu molumaomi, au ketangga maohami, au bongo mehadimi, tauna au mate Kupatuwo hule, hai Ngkora Marasa Kupahawemi i tauna au meahi-ahi tuwonda.

Lukasi 8:1

Bara mahae hangko indo, Pue Yesu molumaohi boea au mahile hai au koi mopahawe Ngkora Marasa kana i poparentana Pue Ala. Ia raporangai liliu topeguruNa au hampulo hai rodua.

Lukasi 9:11

Agaiana kalaoanda raisa tauna bosa, ido hai mekulelehe. Kahawenda i Yesu, Nadokohe hai Napaturoahe kana i poparentana Pue Ala. Hai hema pea au mahai, Napakaoha.

Lukasi 9:60

Nauli Yesu, “Pogiangaamide tomate motawu hangka tomatenda. Agaiana oio, laomoko mopahawe bambari kana i poparentana Pue Ala!”

Yohane 18:20

Nauli Yesu, “MololitaNa i katou-touana i ope-ope tauna. Mepaturo liliuNa iumba pea sou penombaa hai i Souna Pue Ala, au paka rapoteruhui to Yahudi. BaraNa hambela mepaguru ngkabuni.

Yohane 6:59

Ope-ope iti Napahawe Yesu i tempona mepaguru i sou penombaa i Kapernaum.

Yohane 7:1

Roo indo, Yesu lao i humalele tampo Galilea. Barapi mau lao i tampo Yudea, lawi arahe tadulakonda to Yahudi inditi au mampeinao mopapate.

Suro 10:38

Niisa wori noumba tuntukana Yesu to Nasare au napileimi Pue Ala hai Nawei Inao Malelaha hai kuasa. Iumba pea polumaoaNa, Ia mobabehi apa au maroa lawi naporangai Pue Ala, hai Ia mopakaoha ope-ope tauna au napopeahi-ahi Datu Tokadake.

Suro 18:4

Minggu-mingguna i alo Penombaa, laomi Paulu i sou penombaanda to Yahudi mopaturo tauna au teruhu inditi, maroa to Yahudi maroa to Yunani. Tunggaiana bona mepoinalaihe i Pue Yesu.

Suro 20:25

Halalu, ikamu au kusondakimokau hai kupopaisaakau kana i poparentana Pue Ala. Ide-ide manotomi i lalungku, kadangkupi ina niita.

Suro 28:31

Hai bara ara kalanga-langana mopahaweahe kana i poparentana Pue Ala hai kana i Pue Yesu Kerisitu. Hinangkana iti, bara ara au mosalempori.

Roma 10:15

Hai noumbami kapeiasanda mobambari kana Iria ane barahe ratudu? Nodo au teuki i lalu Sura Malelaha node: “Maroa mpuu kahawenda tauna au mopahawe bambari maroa!”