Matiu 27:35 - Sura Malelaha

³⁵ Roo nodo, Yesu rapakumi i kau mombehape, hai hampiNa rakira-kira. Motendehe dadu bona mopakanoto kahemana au molambi hampiNa.

Matiu 27:35 ပူးပေါင်းရင်းမြစ်များ

Lukasi 23:34

Yesu mekakae, Nauli, “Uma, Nuampungi wohiraia tauna ide, lawi bara raisa apa au rababehi.” Surodado au mopaku Yesu motendemohe dadu bona mopakanoto kahemana au molambi hampiNa.

Yohane 20:20

Roo indo, Napopaitaamohe taieNa hai lompeNa. Matana mpuu lalunda moita Ampunda.

Yohane 20:25

Ido hai rauliangaa rangana, “Kiitami Pue!” Agaiana nauli Tomas, “Ane bara mani kuita hai kupetobo pepakua i taieNa, hai ane bara mani kuperera petambukua i lompeNa, bara ina kupoinalai.”

Yohane 20:27

Roo indo, Yesu mouliangaa Tomas, “peita hai nuperera pepakua au i taieNgku. Hai nupetobo wori petambukua i lompeKu. Ineemi bata-bata lalumu. Nupoinalaimi!”

Suro 2:23

Hintoto hai tunggaia hai peundeana Pue Ala lawi naisa amimi, rahuhumi Yesu irikamu bona nipapate. Hai nihuhuahe i tauna au kadake rapapate i kau mombehape.

Suro 4:10

Mewali bona niisa, hai bona raisa wori ope-ope halalunta to Yahudi, tauna ide maoha hai nabuku meangka inde anti kuasana Yesu Kerisitu to Nasare. Yesu iti nipaku i kau mombehape, agaiana Pue Ala mopatuwo hule.