Matiu 27:27 - Sura Malelaha

²⁷ Roo indo, surodadona Gubernur moantihe Yesu lao i paidaanda i lalu souna Gubernur, hai mokakiohe ope-ope ranganda motoleliki Yesu.

Matiu 27:27 ပူးပေါင်းရင်းမြစ်များ

Matiu 26:3

I tempo iti, kapala-kapala tadulako mpenomba hai totosaenda to Yahudi mogulumohe i souna Tadulako Mpenomba Mahile au rahanga Kayapas.

Yohane 18:28

Madondo-dondo, Yesu raanti hangko i souna Kayapas lao i souna gubernur. Tadulakonda to Yahudi, barahe mesua i lalu souna gubernur datihe mewali kedai moula atura agamanda, lawi gubernur iti bara to Yahudi. Hai ane mesuahe i lalu souna, barahe peisa moande paande Pasa.

Yohane 18:3

Mewali laomi Yudasi i bonde iti hihimbela hai hamporangaa surodadonda to Roma hai topokampai Souna Pue Ala au rapohawaahe kapala-kapala tadulako mpenomba hai toParisi lao mohaka Yesu. Moantihe parewa pombeala, lantera hai hulu.

Yohane 18:33

Hangko inditi, Pilatu mesua hulemi i lalu sou, hai natudumohe taunana moanti Yesu i lindona, hai napekune, “Tou pae datundako to Yahudi?”

Suro 10:1

I wanua Kaisarea, ara hadua tobalilo, hangana Kornelius. Ia hadua tadulako au motadulakoi hangatu surodado au rahanga Surodado Italia.

Suro 23:35

nauli, “Ane nodo, ina kuparesa mpuu kara-karamu ane hawehe iwalimu.” Roo indo, natudumi surodadona mokampai Paulu i lalu sou mahile au naaro Datu Herode hangkoia.

Suro 27:1

Roo indo, rapakanotomi ina mosumombangkai lao i tampo Italia. Paulu hai bahangkia tauna ntanina au ratarunggu rahuhumi i Yulius, tadulakonda surodado to Roma au rapatokami mobago i Kaisar.