Matiu 26:41 - Sura Malelaha

⁴¹ Mainga-ingamokau hai mekakaemokau datikau narumpa pekelo. I lalumi niunde mpuu mobabehi au manoto, agaiana bara nibuku lawi watami batena malede.”

Matiu 26:41 ပူးပေါင်းရင်းမြစ်များ

Matiu 24:42

Ido hai Kuuli mainga-ingakau, lawi bara niisa impira Ampumi ina hawe!”

Matiu 25:13

Napahopo Yesu ngkora pandiriNa node, “Ido hai hangangaa masilolongakau, lawi bara niisa kaimpirana kahaweNgku.”

Matiu 26:38

Nauliangaahe, “Mapari mpuu laluNgku, nodoNa ina mate Kuhadi. Indemokau hampai, niporangaiNa mekakae. Ineekau leta!”

Matiu 6:13

Inee wongkamia Nupogiangaa nakelo tokadake agaiana Nukabaha wongkamia hangko i kuasa au kadake. [Lawi Oiomi ampu Kadatua hai Kuasa hai Peawa, hawe i hae-haena. Amin.]

Markus 14:38

Mainga-inga hai mekakaekau bona datikau narumpa pekelo. I lalumi niunde mpuu mobabehi au manoto, agaiana bara nibuku lawi watami batena malede.”

Lukasi 11:4

Nuampungi wongkamia hangko i kamasalangki, lawi moampungi woringkai hema-hema pea au masala irikami. Hai inee wongkamia Nupogiangaa rakelo.”

Lukasi 21:36

Mewali, mainga-ingakau, hai mekakaekau i Pue Ala bona tekabahakau hangko i ope-ope kapari au ina mewali, hai bona nibuku meangka i lindoKu, Iko Ana Manusia.”

Lukasi 22:40

Kahawenda inditi, Nauliangaahe, “Mekakaemokau bona datikau narumpa pekelo.”

Lukasi 22:46

Nauliangaahe, “Moapari hai letakau? Mearomokau hai mekakaekau datikau narumpa pekelo.”

Lukasi 8:13

Tinuda au manawo i tampo au mowatu-watu, lempona mohadihe Ngkorana Pue Ala, tou-tou matana lalunda. Mepoinalaimohe, agaiana pepoinalainda iti bara maroho, nodo tuda-tuda au bara mouaka. Ido hai ane molambihe kapari anti pepoinalainda i Ngkorana Pue Ala, mousulihe hai barapohe mepoinalai.

Roma 8:3

Barake peisa tekabaha hangko i kuasa dosa lawi bara tabuku moula aturana Musa anti kamaledenta. Agaiana apa au bara peisa tababehi i atura agama anti kamaledenta, Napopewalimi Pue Ala, i potuduNami mai AnaNa i dunia mewali manusia. WataNa AnaNa Napahimbela hai wata manusia au madosa. Hai AnaNa iti mokira wataNa rapapate mohuru dosa manusia. Mewali, hangko i kapateNa, Pue Ala monangi kuasa dosa au ara i manusia.

1 Korintu 10:13

Hinangka pekelo au morumpake, pekelo biasa pea au ralambi wori tauna ntanina. Agaiana Pue Ala mokatuinao liliu dandiNa irikita; barake ina Napogiangaa rakelo meliu hangko i rohona lalunta. Ane narumpake pekelo, Pue Ala ina moweike rara monangi pekelo iti bona peisake mantaha i lalu pepoinalainta.

1 Korintu 16:13

Mainga-ingakau. Nipakaroho pepoinalaimi! Nipakaroho lalumi! Mantahakau i pepoinalaimi!

1 Korintu 9:27

Hai kulati watangku bona mantahana, hai morempeki worina peundeana lalungku. Bara kuunde ane roo kupahawe Ngkora Marasa i tauna ntanina, ikomi au bara molambi parasee.

Galatia 5:24

Ane mewalimoke taunana Kerisitu Yesu, barapoke nakuasai peundeana lalunta au kadake lawi peundeana lalunta au kadake iti rapakumi i kau mombehape hihimbela hai Kerisitu.

Epesu 6:18

Hai i lalu pombealami moewa Datu Tokadake, mekakaekau hai merapi tulungi liliukau i Pue Ala. I hinangkana, mekakaekau moula peninina Inao Malelaha. Ineekau oha-oha mekakae hai hangangaa nipekakaea liliuhe ope-ope tauna au mepoinalai i Pue Yesu.

1 Peturu 4:7

Halalu, kahopoa dunia ide hungkumi hai ope-ope ihina ina matanta. Ido hai hangangaa mainga-ingakau hai nipamanoto pekirimi bona peisakau mekakae.

1 Peturu 5:8

Hangangaa manoto pekirimi hai mainga-ingakau! Lawi Datu Tokadake au mewali iwalimi molulumao nodo hambaa singa au melolo-lolo mohahaoki tauna au ina nahaka. Hangko pelolonato, melangakimi.

2 Peturu 2:9

Mewali, hangko i ope-ope pandiri au kupahawe inona, tongawami kuasana Pue Ala motulungi tauna au menomba Iria datihe napakanawo pekelo. Hai tongawa wori kuasaNa mohuku ope-ope tauna duuna hawe alo pebotusi.

Pampetudungia 16:15

Mewali, tegulu mpuumohe ope-ope datu hai surodadona hangko i humalele dunia, i hambua paidaa au i lalu basa Ibarani rahanga: Harmagedon. Nauli Pue Yesu, “Nipehadingi! Ina haweNa i tempo au bara niisa, lawi kahaweNgku nodo topanangka. Morasihe tauna au mainga-inga hai au masilolonga liliu hampinda. Ane haweNa deade, barahe ina lumao mengkabela hai barahe ina maea, lawi masilolongahe Kukahawei.”

Pampetudungia 3:10

Anti kanipeulaina hawaNgku au manguli hangangaa mantahakau, ido hai ina Kupeparaikau hangko i kapari au ina morumpa humalele dunia. Ope-ope tauna au maida i dunia, ina rapetandakahe i tempo kapari iti.