Matiu 25:8 - Sura Malelaha

⁸ Anantowawine au ntuli mouliangaahe ranganda au mapande, ‘Ene, niwei wongkamia minami haodi, hulongki ina matemi.’

Matiu 25:8 ပူးပေါင်းရင်းမြစ်များ

Matiu 25:1

“Ane hawe suleNa nodo Datu, ara tauna au masilolonga hai ara wori au bara masilolonga. Pewalina nodo ngkora pandiri ide: hampulo anantowawine motunggai lao modupa toratauna tobalilo, hadua-haduahe moanti hulonda.

Matiu 25:7

Pearondami anantowawine au hampulo iti, hadua-haduahe mopasilolonga hulonda.

Matiu 25:9

Rahanaihe au mapande, ‘Minangki bara handa ane tagaa! Laomokau hampai meholo i topobalu-balu mina.’

Matiu 3:9

Hai ineekau mampemahile, niuli, ‘Ikita ide, pemuleanake Burahima. Barake ina nahuku Pue Ala.’ Iti bara tou! Nipehadingi! Ane naunde Pue Ala, pemuleana Burahima peisa Napopewali hangko i watu ide.

Lukasi 12:35

Roo indo, Yesu mopahawe ngkora pandiri ide, Nauli, “Hangangaa mainga-inga liliukau hai hangangaa masilolonga peamokau bona ineekau napatingkara ba apa pea. Ikamu hangangaa nodokau hawi au mampegiahe ampunda mesule hangko i posusaa petauna. Hawi iti, tekadipura hampinda, masilolonga liliuhe, hai hulonda tuwo liliu. Ane hawemi ampunda motidongko baba, liliu rabungkahia.

Lukasi 16:24

Mekakiomi topebuku iti, nauli: ‘Uma Burahima! Nupokaahina wongkoia! Nutuduana Lasaru moeme karawena i owai bona mai motudoi dilangku. Mapari ntepuu kuhadi i lalu api ide!’

Lukasi 8:18

Ido hai Kuuliangaakau, nipehadingi maroa-roa Ngkorana Pue Ala. Lawi tauna au mampoinalai Ngkorana Pue Ala, rapakanoto lalunda bona tetambai apa au ara irihira. Agaiana tauna au barahe mampoinalai Ngkorana Pue Ala, nauri arami haodi au raisa, hangangaa raala hule.”

Suro 8:24

Nauli Simo i Peturu hai Yohane, “Nipekakaea wongkoia i Pue bona datina narumpa rugi au nuuli iti!”

Ibarani 4:1

Mewali, dandina Pue Ala irikita iti bona peisake molambi pengkarooangaa hihimbela hai Ia, ara mani. Ido hai hangangaa mainga-inga mpuuke bona dati ara hadua hangko i olonta au bara molambi apa au Nadandi iti.

Pampetudungia 3:9

Arahe tauna au mouli kaihiranda to Yahudi, agaiana dongkonda pea. I lalunda, barahe to Yahudi; topegurunarihe Datu Tokadake. Tauna iti, ina Kuanti irikamu. Ina molingkuduhe i lindomi, hai rapangaku kaKupokaahimi.