Matiu 25:41 - Sura Malelaha

⁴¹ Roo indo, Kuuliangaahe au ntanda i kabeoNgku, ‘Padumokau hangko inde, ikamu au harara i UmaNgku! Mesuamokau i lalu api au rore liliu, au rapasilolonga mewali pohukuanda Datu Tokadake hai hinangka malaekana.

Matiu 25:41 ပူးပေါင်းရင်းမြစ်များ

Matiu 13:40

Nodo dana ragulu hai rahuwe, nodo wori tauna au kadake ina rahuku i alo pebotusi.

Matiu 13:42

Ope-ope tauna iti ina ratendehe i lalu api au lolaa. Inditi, ina moteria hai mantodiha liliuhe.

Matiu 13:50

Tauna au kadake ina ratende i lalu api naraka. Ihira ina moteria hai mantodiha liliuhe.”

Matiu 18:8

Maroa-roakau bona ineekau madosa. Ane pandirina taiemu hambali ba bitimu hambali au moantiko madosa, nubohoki peami hai nutende. Agina hambali pea taiemu ba bitimu, asala molambiko katuwo maroa hihimbela hai Pue Ala pane rombali taiemu hai rombali bitimu, agaiana kahopoana ratenderiko i lalu api au rore liliu.

Matiu 25:42

Lawi i tempoKu marimi, baraNa nipaande. MangkadouNa, baraNa nipaenu.

Matiu 25:46

Napahopo Yesu lolitaNa, Nauli, “Ope-ope tauna au kadake iti ina ratendehe i lalu naraka hai rahuku hawe i hae-haena, hai tauna au manoto ina molambihe katuwo maroa au bara mokahopoa.”

Matiu 3:12

Ia peisa rapandiri nodo hadua tauna au motapihi pare bona tepatani pare au moihi hai tepatani wori pare au wara. Pare au moihi napopesua i lalu tambaru, hai pare au wara natende i api.”

Matiu 4:10

Nahanai Yesu, “Peloho Tokadake! Lawi i lalu Sura Malelaha teuki node, ‘Hangangaa menombako i Ampumu, Pue Ala. Batena pea Ia au hintoto nupengkorui.’ ”

Matiu 5:22

Agaiana ide-ide kuuliangaakau: hema au rumpu i halaluna hampepepoinalai, ina rabotusi i kara-karana. Hema au motunda-tunda halaluna, ina raanti i Topeparesa Mahile. Hai hema au mampotontulia hampepepoinalaina, hintoto mpuu ratende i lalu api naraka.

Matiu 7:23

Ina Kuhanaihe: ‘Barakau Kuisa! Pelohokau hangko inde, ikamu au kadake babehiami.’ ”

Lukasi 13:27

Agaiana ina nahanaikau ampu sou: ‘Barakau kuisa, hai bara wori kuisa kahangko iumbami mai. Pelohokau hangko inde, ikamu ope-ope au kadake babehiami.’

Lukasi 16:24

Mekakiomi topebuku iti, nauli: ‘Uma Burahima! Nupokaahina wongkoia! Nutuduana Lasaru moeme karawena i owai bona mai motudoi dilangku. Mapari ntepuu kuhadi i lalu api ide!’

Yohane 8:44

Umami iami Datu Tokadake! Hai nipeinao moula liliu peundeana umami iti. Hangko i nguru-nguruna ia topepapatemi. Paturona bara tou, lawi bara ara au tou iria. Ane modongko, itimi poantina, lawi ia topodongko mpuu, hai ope-ope tauna au modongko moulahe peundeana.

2 Tesalonika 1:7

Hai Ia ina mokabahakau hangko i kaparimi, nodo wori ikami. Hinangkana iti ina Nababehi i kahawena hule Pue Yesu au ina mendaulu mai hangko i suruga hai malaekaNa au makuasa hai api au lolaa.

2 Tesalonika 1:9

Tauna au barahe mepoinalai ina molambihe pehuku au bara mokahopoa, hai ina ratendehe hangko i Pue, duuna barapohe moita kamakuasaNa hai peawaNa au mahile.

Ibarani 6:8

Agaiana ane tampo iti nakatuwoi hule dana hai dui, barapi ara pobunduana, mewali ina ragane hai kahopoana ina rahuwe. Nodo wori tauna au mousuli hangko i pepoinalainda ina nahukuhe Pue Ala.

2 Peturu 2:4

Mogalorihe malaeka au madosa hangkoia, barahe nakabaha Pue Ala hangko i pehuku. Malaeka iti batenda Natende i lalu naraka hai Nataha i lalu kalolu tampo au makaindi duuna hawe alo pebotusi.

1 Yohane 3:10

Idemi au mopatongawa kahemana au napoana Pue Ala hai kahemana au napoana Datu Tokadake: ope-ope tauna au bara mobabehi apa au manoto, barahe napoana Pue Ala. Nodo wori, ope-ope tauna au bara mampokaahi halalunda, barahe napoana Pue Ala.