Matiu 25:31 - Sura Malelaha

³¹ “Iko Ana Manusia, ane hawe suleNa, ina meawaNa hai mahile mpuu kamakuasaNgku, hai ina raporangaiNa ope-ope malaeka. Ina mohudaNa i pohudaa kadatuaNgku au meawa.

Matiu 25:31 ပူးပေါင်းရင်းမြစ်များ

Matiu 16:27

Hambela tempo Iko Ana Manusia ina maiNa hangko i suruga mampetudungia peawana tuwoNgku au himbela hai peawana tuwona UmaNgku. I tempo iti, bosa wori malaeka ina moulaNa, hai batena Kuhurungi babehianda ope-ope tauna.

Matiu 19:28

Nahanai Yesu, “Bona niisa: i alo pebotusi i tempona Pue Ala mopawou hinangkana, Iko Ana Manusia ina mohuda moparenta i pohudaa au meawa. I tempo iti, ikamu au meula Iriko ina mohuda worikau i pohudaa au hampulo hai rombua, moparenta to Isaraeli au hampulo hai rontina.

Matiu 25:6

Tanga kaindi, hangko arari tauna au mekakio, nauli, ‘Oloumi mai toratauna tobalilo! Maimi nidupa.’

Matiu 26:64

Nahanai Yesu, “Tou mpuu, nodo au nuuli iti. Hai Kuuliangaa mbulikau: ina niitaNa Iko Ana Manusia, mohuda ntanda i koanana Pue Ala au makuasa, hai ina niita woriNa mai mendaulu hangko i suruga i wongko gawu.”

Markus 14:62

Nahanai Yesu, Nauli, “Io, Ikomi, hai ina niitaNa, Iko Ana Manusia, mohuda ntanda i koanana Pue Ala au makuasa, hai ina niita woriNa mai mendaulu hangko i suruga i lalu gawu.”

Markus 8:38

Maidakau i olonda tauna au kadake hai au bara meula Iriko. Mewali hema au maea mopangaku peulana Iriko hai mampokaea paturoNgku, ina Kupokaea wori mopangaku kaiana topeulaNgku ane hawe suleNa hangko i suruga. I tempo iti, Iko, Ana Manusia, ina mendaulu mai hangko i suruga hihimbela hai malaeka au malelaha, hai ina meawaNa anti kuasana UmaNgku.”

Lukasi 22:69

Mewali, idemi pehanaNgku: barapi mahae Ana Manusia ina mohuda ntanda i koanana Pue Ala au makuasa.”

Lukasi 9:26

Hema au maea mopangaku peulana Iriko hai mampokaea paturoNgku, Iko wori ina maea mopangaku kaiana topeulaNgku i kahaweNgku hule hangko i suruga. I tempo iti, Iko, Ana Manusia, ina mendaulu mai hangko i suruga, hai ina meawaNa anti kuasaNgku hai kuasana UmaNgku hai peawanda malaeka au malelaha.

Yohane 1:51

Roo indo, nauli mbuli Yesu, “Tou mpuu lolitaNgku ide: ina niita langi tebungkahi hai malaekana Pue Ala mendaulu mengkahe mai Iriko, Ana Manusia.”

Suro 1:11

Rauli tauna au rodua iti, “Ee to Galilea! Moapari hai mengoa liliukau? Yesu au niita teangka lao i suruga ina mai hule hangko i suruga nodo au niita inona.”

1 Tesalonika 3:13

Pue, kiperapi bona Nupakaroho lalunda bona malelahahe hai bara ara kamasalanda i lindoMu ane hawe hule Pue Yesu hai ope-ope taunaNa au malelaha. Amin.”

1 Tesalonika 4:16

Lawi i tempona Pue Yesu mendaulu hangko i suruga, ina tahadi hampai pekakiona tadulakonda malaeka hai pomoni tatamburuna Pue Ala. Hai i tempo iti, ina tuwo hulehe ope-ope tomate au mepoinalai i Kerisitu.

Ibarani 1:8

Agaiana Pue Ala mampololita kana i AnaNa, nauli node: “Oio Pue Ala, kadatuamu bara mokahopoa; Oio moparenta i lalu kahintimba.

Ibarani 9:28

Nodo wori, Kerisitu hambela pea mohuhu wataNa i Pue Ala mohalea dosa tauna bosa. Hai hambela tempo, Ia ina mai i karombelana i dunia ide. Kamaina iti, barapi mai mohalea dosanta. Agaiana mairi moanti katehorema i tauna au mampepegia kahaweNa.

Yudasi 1:14

Ara lolitana Heno hangkoia au mampololita pehukuna Pue Ala i guru au mepakanawohe i tempo ide. Heno iti iami pemuleana Adama au kapituna lapina. Nauli node, “Tou-tou Pue ina mai hihimbela hai malaekaNa au malelaha au kabosanda isabuna.

Pampetudungia 1:7

Peita! Ora mai i lalu gawu! Ia ina raita ope-ope tauna, tepesua tauna au motambuku lompeNa hangkoia. Hai ope-ope tauna i dunia ina moteriahe. Nodo mpuumi pewalina! Amin!

Pampetudungia 20:11

Roo indo, kuitami hambua kadera kadatua au bula hai mahile, hai kuita wori Hadua au mohuda indo. Anti kamakuasaNa, langi hai dunia unga pea matanta, barapi ara.

Pampetudungia 3:21

Hema au menangi, ina Kupopohuda hihimbela hai Iko i kadera kadatuaNgku, nodo Iko au menangimoNa, hai mohudaNa moparenta hihimbela hai UmaNgku i kadera kadatuaNa.