Matiu 25:29 - Sura Malelaha

²⁹ Lawi tauna au peisa rapoinalai hai apa au rawei, ina rawei mbuli bona tetambai. Agaiana tauna au bara peisa rapoinalai, nauri haodi pea au rawei, batena ina raala hule.

Matiu 25:29 ပူးပေါင်းရင်းမြစ်များ

Matiu 13:12

Tauna au mampoinalai Ngkorana Pue Ala, rapakanoto lalunda bona katetetambaia au ara irihira. Agaiana tauna au barahe mampoinalai Ngkorana Pue Ala, nauri arami haodi au raisa, hangangaa raala hule.

Matiu 21:41

Rahanai, “Manoto ia ina mopapate tauna au kadake iti, hai bondena ina nasaroahe tauna ntanina au mounde mowei ihi bondena iria i tempo pepare.”

Matiu 25:28

Nauli mbuli ampunda iti i hawi tohaduana, ‘Nuala doi au ara iria, hai nuwei i hawingku au molambi doi bulawa hampulo sabuna.

Markus 4:25

Tauna au mampoinalai Ngkorana Pue Ala, rapakanoto lalunda bona tetambai au ara irihira. Agaiana tauna au barahe mampoinalai Ngkorana Pue Ala, nauri arami haodi au raisa, hangangaa raala hule.”

Lukasi 10:42

Katouana, ara hampaka au paraluu ntepuu; hangangaa mampehadingike Ngkorana Pue Ala. Iti au maroa ntepuu, hai itimi au napilei Maria. Hai apa au napilei Maria bara ina raala hangko iria.”

Lukasi 8:18

Ido hai Kuuliangaakau, nipehadingi maroa-roa Ngkorana Pue Ala. Lawi tauna au mampoinalai Ngkorana Pue Ala, rapakanoto lalunda bona tetambai apa au ara irihira. Agaiana tauna au barahe mampoinalai Ngkorana Pue Ala, nauri arami haodi au raisa, hangangaa raala hule.”

Yohane 11:48

Ane tapogiangaa liliu, ope-ope tauna ina mepoinalaihe Iria. Kahopoana, surodado to Roma ina maihe mogero Souna Pue Ala hai ope-ope boeanta.”

Yohane 15:2

Ope-ope daa au tuwo Iriko au bara mowua, Nakadiri. Hai ope-ope daa au tuwo Iriko au mowua, Napakabaa hai Nakadipura bona tetambai powuana.

Pampetudungia 2:5

Ido hai Kuuliangaakau: nipehadingi! Manawomokau i lalu dosa. Mewali, hangangaa menosokau! Nibabehimide apa au nibabehi nguru-nguruna. Lawi ane bara nibabehi nodo, i kahaweNgku deade, ina Kuingihi pambolia hulomi hangko i paidaana.