Matiu 24:27 - Sura Malelaha

²⁷ Lawi ane hawe suleNa, Iko Ana Manusia, ina tongawa mpuu. KahaweNgku ina raita i humalele dunia, nodo pewangka kila au mesupa i Mata alo hai mewangka hawe-hawe i Katampua alo.

Matiu 24:27 ပူးပေါင်းရင်းမြစ်များ

Matiu 16:27

Hambela tempo Iko Ana Manusia ina maiNa hangko i suruga mampetudungia peawana tuwoNgku au himbela hai peawana tuwona UmaNgku. I tempo iti, bosa wori malaeka ina moulaNa, hai batena Kuhurungi babehianda ope-ope tauna.

Matiu 16:28

Nipehadingi maroa apa au Kuuliangaakau ide: arakau inde au bara ina mate hangko damani moita, Iko Ana Manusia, hawe nodo Datu.”

Matiu 24:26

Mewali, ane ara au mouliangaakau: ‘Peita, Datu Topehompo ara indolou i pada wungi,’ ineekau lao! Ane rauli: ‘Peita, ara inditi i lalu sou,’ ineehe nipoinalai!

Matiu 24:3

Roo indo, laomi Yesu i Bulu Saitun. Tangana mohuda-huda haduduana, hawemohe topeguruNa mekune Iria, “Impira pewalina au Nuuli inona?” Hai mekune mbulihe, rauli, “Tanda apa au ina mewali i kahaweMu i kahopoa dunia ide?”

Matiu 24:37

Apa au mewali i tempona nabi Noho hangkoia, ina mewali wori i alo kahaweaNgku Iko Ana Manusia.

Matiu 24:39

Nabalumbangiraihe owai, hangko raisari apa au mewali. Nodo wori kamampomaleanda tauna i kahaweNgku hule Iko Ana Manusia i dunia.

Matiu 24:44

Ido hai hangangaa mainga-ingakau, lawi bara niisa impira kahaweNgku, Iko Ana Manusia.”

Matiu 8:20

Nahanai Yesu, Nauli, “Serigala ara kalolunda, hai tadasi ara haranda, agaiana Iko, Ana Manusia, bara ara sou au Kupaturui.”

Yakobu 5:8

Nodo wori ikamu, hangangaa sabarakau. Hangangaa nipatetida lalumi, lawi barapi mahae ina hawe mpuu Amputa.

2 Peturu 3:4

rauli, “Yesu modandi ina hawe hule. Agaiana iumbami? Bara kipoinalai, lawi matemohe toiorunta hangkoia hai mepongka hangko i pewalina dunia duuna ide-ide, dunia ide bara ara katebaliana.”