Matiu 21:17 - Sura Malelaha

¹⁷ Hangko inditi, padumi Yesu mopalehi wanua Yerusale, lao mohambengi i boea Betania.

Matiu 21:17 ပူးပေါင်းရင်းမြစ်များ

Matiu 16:4

Kadake mpuukau! Mosapuaka liliukau Pue Ala! Niperapi bona Kupopaitaakau tanda kuasa. Agaiana bara ara tanda kuasa au ina rapopaitaakau. Au ina rapopaitaakau, batena pea tanda nodo au mewali i nabi Yunu hangkoia.” Roo indo, Napalehimohe.

Matiu 26:6

I tempona Yesu maida i boea Betania, Ia lao i souna hadua tauna au rahanga Simo, au hangkoia ketangga.

Markus 11:1

Hungkumohe Yesu hai topeguruNa i Yerusale, hawehe i boea Betpage hai Betania i Bulu Saitun. Inditi, Yesu motudu rodua topeguruNa moioru,

Markus 11:11

Kahawena Yesu i wanua Yerusale, liliu mesua i lalu Souna Pue Ala. Inditi Ia moparesa mantoleli Sou iti. Roo indo, lawi ina kaindimi, mesule mbulimi hai topeguruNa, laohe mohambengi i boea Betania.

Markus 11:19

Ina kaindimi, Yesu hai topeguruNa padu mbulimohe hangko i Yerusale.

Markus 14:3

Tempona Yesu ara i boea Betania, Ia maida i souna Simo, au hangkoia ketangga. TangaNa maande inditi, hawemi hadua towawine moanti habotolo lana mawongi au masuli ntepuu holona, au rababehi hangko i uaka kau au mawongi. Napengkami botolona, hai lana iti natidorohia waana Yesu tanda pebilana.

Markus 3:7

Hangko inditi Yesu hai topeguruNahe meangkahe lao i wiwi rano Galilea. Bosa to Galilea meula i Yesu. Bosa wori au hawe hangko i tampo Yudea,

Lukasi 10:38

Hangko indo, Yesu mopaliliumi polumaona hihimbela hai topeguruNa, hawemi i hambua boea. I lalu boea iti, ara hadua towawine au rahanga Marta mampopehupe Yesu i souna.

Lukasi 19:29

Hungkumohe i boea Betpage hai Betania i bulu Saitun, Yesu motudu rodua topeguruNa moioru,

Lukasi 24:50

Roo indo, nawawahe Yesu lao i raoa wanua Yerusale, hungku i boea Betania, pane Naangkami taieNa hai Nawatihe.

Yohane 11:1

Ara hadua tobalilo au rahanga Lasaru maida i boea Betania hihimbela hai Maria hai Marta, halaluna. (Maria itimi au ina motidorohi bitina Yesu hai lana mawongi, hai naumpahi hai weluana.) Hambela tempo, Lasaru mahai.

Yohane 11:18

(Betania iti, hungku i Yerusale, ba arato pea pae talu kilo kakaraona.