Matiu 20:19 - Sura Malelaha

¹⁹ Roo indo, ina rahuhuNa i tauna au barahe to Yahudi bona rakakabosaiNa, rapapahaiNa, hai rapapateNa i kau mombehape. Agaiana i alo katalu, ina tuwo huleNa.”

Matiu 20:19 ပူးပေါင်းရင်းမြစ်များ

Matiu 12:40

Nodo nabi Yunu talu alona talu wengina i lalu tai bau au mahile, nodo wori Iko Ana Manusia ina talu alona talu wengina i lalu talumba.

Matiu 16:21

Mepongka hangko inditi, Yesu mopakanoto i topeguruNa apa au hangangaa mewali i wataNa, nauliangaahe, “Hangangaa laoNa i Yerusale. Inditi ina rapopeahi-ahiNa totosae boea, kapala-kapala tadulako mpenomba hai guru-guru agama. Ina rapapateNa, agaiana i kataluna alona, ina tuwo huleNa.”

Matiu 17:23

Ina rapapateNa, agaiana i alo katalu ina tuwo huleNa.” Indo, masusa ntepuumi lalunda topeguruNa.

Matiu 27:26

Hangko inditi, nakabahaamohe Baraba, hai motuduhe surodadona mohepe-hepe Yesu hai pekandangi au modui. Roo indo, nahuhuamohe bona rapaku i kau mombehape.

Matiu 27:63

rauli, “Tua Gubernur, kikatuinao lolitana topodongko iti, lawi i tempona mani tuwo, Nauli, ‘Kaliuna talu alona, ina tuwo huleNa.’

Markus 14:65

Hangko inditi, arahe au motinuduhi Yesu, ara worihe au mampopowadi-wadi: ratuko mataNa, rajangguru, hai rauliangaa, “Ee nabi! Uli ba hema au mojangguruKo!” Topekampai mohapa worihe Yesu.

Markus 15:1

Madondo-dondo, ope-ope tadulako agama hai kapala-kapala tadulako mpenomba hai guru agama hai totosaenda to Yahudi au ntanina himpudumohe bona Yesu rahilu taiena hai raanti lao i lindona Pilatu. Kahawena Yesu inditi,

Markus 15:15

Pilatu mampeinao mopabukei peundeanda tauna bosa, ido hai nakabahaamohe Baraba. Roo indo, natudumohe surodadona mohepe-hepe Yesu hai pekandangi au modui, hai nahuhuamohe bona rapaku i kau mombehape.

Lukasi 18:32

Ana Manusia ina rahuhu i tauna au barahe to Yahudi. Ina rakakabosai, rapapakoi, ratinuduhi,

Lukasi 23:11

Roo indo, Herode hai surodadona mampopowadi-wadi hai mopapakoihe Yesu. Rabadui badu datu, hai raanti hule lao i Pilatu.

Lukasi 24:46

Nauli, “I lalu Sura Malelaha teuki node: Datu Topehompo hangangaa molambi kapari hai kapate, hai i kataluna alona ina tuwo hule.

Suro 2:23

Hintoto hai tunggaia hai peundeana Pue Ala lawi naisa amimi, rahuhumi Yesu irikamu bona nipapate. Hai nihuhuahe i tauna au kadake rapapate i kau mombehape.

Suro 21:11

Ia mangala pampouna Paulu, napopohilu bitina hai taiena haduduana. Roo indo, Agabus mololita, nauli, “Idemi lolitana Inao Malelaha: ampu pampou ide ina rahaka to Yahudi i Yerusale. Ia ina rahilu node, hai rahuhu i tauna au barahe to Yahudi.”

Suro 4:27

O Pue, tepabukei mpuumi lolitana Daudi iti. Lawi tou-tou mpuu mewalimi i lalu wanua ide, Datu Herode hai Pontiu Pilatu hintuwuhe hihimbela hai to Yahudi hai tauna au barahe to Yahudi. I lalu kahintuwunda iti, mampeinaohe moewa Yesu, AnaMu au Malelaha au Nupileimi mewali Datu Topehompo.