Matiu 18:17 - Sura Malelaha

¹⁷ Ane bara naunde mampehadingi lolitanda sabi iti, nupahawemi i ope-ope halalumi hampepepoinalai. Ane bara liliu napoinalai kehapiri ope-ope halalumi hampepepoinalai mokambaroa, pogiangaamide, hai niimbami nodo tauna au bara moisa Pue Ala hai au kadake babehiana.

Matiu 18:17 ပူးပေါင်းရင်းမြစ်များ

Matiu 11:19

KamaiNgku Ana Manusia, maenuNa anggoro hai maandeNa. Agaiana nisapuaka woriNa, niuli, ‘Peita! Topehioro, tomalangu, ranganda toperuru asele hai tomadosa!’ Agaiana nauri nodo, kamanotona rarana Pue Ala tongawa i lalu katuwonda tauna au mampeulai peundeaNa.”

Matiu 5:46

Ane mampokaahi peakau tauna au mampokaahikau, babehiami iti barakau ina nahurungia Pue Ala. Mogalori toperuru asele au niimba nodo topodongko, maahihe i tauna au mampokaahihe.

Matiu 6:7

Ane mekakaekau, inee nipopenggoli-nggoli nodokau tauna au bara moisa Pue Ala. Rapekiri, ane ngkalanga pekakaenda, pamperapinda ina tepabukei.

Lukasi 15:1

Hambela tempo, bosa toperuru asele hai tauna ntanina mai i Yesu lawi mampeinaohe mampehadingi lolitaNa. Ihira raimbahe tauna kadake.

Lukasi 18:11

Toparisi iti meangka hai mekakae, nauli, ‘Pue Ala, kuuli ngkaia kamaroana Irio, lawi barana nodo tauna ntanina au manangka, au motengko lalunda, hai au mebualosi. Kuuli ngkaia kamaroana Irio lawi barana nodo olou toperuru asele.

1 Korintu 5:9

I lalu surangku hangkoia, kuuliangaakau bona ineekau mampogaloa tauna au mobabehi sala i babehia towawine hai tobalilo.

1 Korintu 6:1

Moapari hai niunde mosalai halalumi hampepepoinalai i lindona topebotusi au bara mepoinalai i Pue Yesu? Moapari hai bara nipahawe kara-karami i halalumi hampepepoinalai?

2 Tesalonika 3:6

Halalu, hai kuasa au naweingkai Pue Yesu Kerisitu, kiuliangaakau: ineehe nipohintuwua halalumi hampepepoinalai au lohehe mobago hai au barahe mampeulai atura au nidoko hangko irikami.

1 Timotiu 6:5

hai pombembehehe. Pekirinda tauna iti barapi maroa, barahe moisa paturo au tou. Rauli, peisahe molambi rasi hangko i poagamanda.