Matiu 16:20 - Sura Malelaha

²⁰ Roo indo, Nauliangaahe, “Inee hampai niuli i hema pea kaIkona Datu Topehompo.”

Matiu 16:20 ပူးပေါင်းရင်းမြစ်များ

Matiu 1:16

Yako mopaara Yusupu tobalilona Maria. Maria itimi au mampoanaka Yesu au rahanga Kerisitu.

Matiu 16:16

Nahanai Simo Peturu, nauli, “Oiomi Datu Topehompo, Anana Pue Ala au tuwo.”

Matiu 17:9

Pendaulunda hangko i wongko bulu iti, Nauliangaahe Yesu “Inee hampai niuli-uli i hema pea apa au niita inona hangko damani Iko, Ana Manusia rapatuwo hule hangko i kapate.”

Matiu 8:4

Roo indo, nauli mbuli Yesu iria, “Inee nupopololita i hema pea apa au mewali inona. Laomoko hampai nupetudungia watamu i tadulako mpenomba bona naita kamaohamumi, hai nuantimi popenombamu moula parenta au teuki i lalu Aturana Musa bona tongawa i ope-ope tauna kamaohamumi.”

Markus 8:30

Hangko inditi, nauliangaahe Yesu, “Inee hampai niuli-uli i hema pea kahemaNgku.”

Markus 9:9

Pendaulunda hangko i wongko bulu iti, nauliangaahe Yesu, “Inee hampai niuli-uli i hema pea apa au niita inona, hangko damani Iko, Ana Manusia, rapatuwo hule hangko i kapate.”

Lukasi 2:11

Kaindi ide i boeana Datu Daudi, rapoanakami hadua Datu au moanti katuwo maroa irikamu, iami Kerisitu, Amputa.

Lukasi 9:21

Agaiana nakonto mpuuhe Yesu bona inee hampai rapapahowa i hema pea.

Lukasi 9:36

Karoonda mohadi lolita iti, moitamohe Yesu haduduaNa pearai. Apa au raita topeguruNa au talu iti, bara hampai rapopololita i hema pea.

Yohane 1:41

Liliu Andaria lao mohaoki Simo, nauliangaa, “Kilambimi au rauli Mesias” (au rauli wori Kerisitu, lempona: Datu Topehompo).

Yohane 1:45

Hangko inditi, lao worimi Pilipu mampombelambia rangana au rahanga Natanael, nauliangaa, “Kilambimi Datu Topehompo, nodo au teuki i lalu Sura Aturana Musa hai suranda nabi hangkoia! Hangana Yesu. Ia anana Yusupu hangko i boea Nasare.”

Yohane 11:27

Nauli Marta, “Io, Pue, kupoinalai kaOionami Datu Topehompo, Anana Pue Ala au ina mai i dunia.”

Yohane 20:31

Agaiana apa au kuuki ide, kuuki bona nipoinalai kaYesunami Datu Topehompo, Anana Pue Ala, hai bona molambikau katuwo maroa au bara mokahopoa hangko i pepoinalaimi Iria.

Suro 2:36

Hangko inditi, napahopomi Peturu lolitana, nauli, “Mewali, ido hai ikamu to Yahudi, hangangaa nipakanoto i lalumi apa au kuuli ide: Yesu au nipaku i kau mombehape, Iami au napilei Pue Ala mewali Amputa hai Datu Topehompo.”

1 Yohane 2:22

Au modongko iamohe tauna au mosapuaka kaYesuna Datu Topehompo. Ihirami au mampoiwali Kerisitu, lawi mosapuakahe Pue Ala Umanta hai Yesu AnaNa.

1 Yohane 5:1

Ope-ope tauna au mampoinalai Yesu iami Datu Topehompo, ihirami au napoana Pue Ala. Hai hema au mampokaahi Pue Ala Umanta, batena mampokaahi wori ope-ope tauna au napoana Pue Ala.