Matiu 16:13 - Sura Malelaha

¹³ Laomi Yesu hai topeguruNahe i tampo au hungku i wanua Kaisarea Pilipi. Inditi, Yesu mekune i topeguruNa, Nauli, “Moula pangulinda tauna, hema Ana Manusia ide?”

Matiu 16:13 ပူးပေါင်းရင်းမြစ်များ

Matiu 12:40

Nodo nabi Yunu talu alona talu wengina i lalu tai bau au mahile, nodo wori Iko Ana Manusia ina talu alona talu wengina i lalu talumba.

Matiu 13:37

Nahanai Yesu, “Ampu bonde au mohawu tinuda au maroa lempona, Ikomi, Ana Manusia.

Matiu 13:41

Iko Ana Manusia ina motudu malaekaNgku lao morampu ope-ope au mepakanawo hai tauna au mobabehi dake hangko i olonda taunaNgku.

Matiu 15:21

Hangko indo, laomi Yesu i tampo au hungku i wanua Tirus hai Sidon.

Matiu 16:27

Hambela tempo Iko Ana Manusia ina maiNa hangko i suruga mampetudungia peawana tuwoNgku au himbela hai peawana tuwona UmaNgku. I tempo iti, bosa wori malaeka ina moulaNa, hai batena Kuhurungi babehianda ope-ope tauna.

Matiu 16:28

Nipehadingi maroa apa au Kuuliangaakau ide: arakau inde au bara ina mate hangko damani moita, Iko Ana Manusia, hawe nodo Datu.”

Matiu 25:31

“Iko Ana Manusia, ane hawe suleNa, ina meawaNa hai mahile mpuu kamakuasaNgku, hai ina raporangaiNa ope-ope malaeka. Ina mohudaNa i pohudaa kadatuaNgku au meawa.

Matiu 8:20

Nahanai Yesu, Nauli, “Serigala ara kalolunda, hai tadasi ara haranda, agaiana Iko, Ana Manusia, bara ara sou au Kupaturui.”

Matiu 9:6

Bona niisa, Iko, Ana Manusia, makuasaNa moampungi dosa i dunia. Ide-ide ina Kupatongawaakau kaarana kuasaNgku moampungi dosa.” Hangko inditi, membalilimi i topalu iti, Nauliangaa, “Mearomoko, nulolomi alemu, hai mesulemoko!”

Markus 10:45

Mogalori Iko Ana Manusia, tunggaiaKu mai i dunia, baraNa mai bona mewali topohawa. KamaiNgku ide bona mewaliNa hawi, hai mokiraNa wataNgku rapapate mohuru salanda bosa tauna.”

Markus 8:38

Maidakau i olonda tauna au kadake hai au bara meula Iriko. Mewali hema au maea mopangaku peulana Iriko hai mampokaea paturoNgku, ina Kupokaea wori mopangaku kaiana topeulaNgku ane hawe suleNa hangko i suruga. I tempo iti, Iko, Ana Manusia, ina mendaulu mai hangko i suruga hihimbela hai malaeka au malelaha, hai ina meawaNa anti kuasana UmaNgku.”

Yohane 1:51

Roo indo, nauli mbuli Yesu, “Tou mpuu lolitaNgku ide: ina niita langi tebungkahi hai malaekana Pue Ala mendaulu mengkahe mai Iriko, Ana Manusia.”

Yohane 12:34

Rauli tauna bosa, “I lalu Aturana Pue Ala kibasa: Datu Topehompo tuwo hawe i hae-haena. Moapari hai Nuuli Ana Manusia hangangaa rapamapangka i kau mombehape? Hema Ana Manusia au Nutunggai iti?”

Yohane 3:14

Hangkoia i pada wungi, to Isaraeli nahukuhe Pue Ala pane natilohe ile. Pue Ala motudu nabi Musa mobabehi ile hangko i tambaga, bona nawoli i wuntu kau hai natindaka. Hema peahe au natilo ile hai mampengoahe ile tambaga iti, hangangaa maoha hai tuwohe. Mewali, nodo ile tambaga iti rapamapangka i pada wungi, nodo wori Ana Manusia hangangaa rapamapangka i kau mombehape,

Yohane 5:27

Nawei woriNa kuasa mobotusi kara-kara manusia, lawi Iko Ana Manusia worina.

Suro 10:38

Niisa wori noumba tuntukana Yesu to Nasare au napileimi Pue Ala hai Nawei Inao Malelaha hai kuasa. Iumba pea polumaoaNa, Ia mobabehi apa au maroa lawi naporangai Pue Ala, hai Ia mopakaoha ope-ope tauna au napopeahi-ahi Datu Tokadake.

Suro 7:56

Nauli Setepanu, “Peita! Kuita langi tebungkahi hai Ana Manusia meangka ntanda i koanana Pue Ala!”