Matiu 15:17 - Sura Malelaha

¹⁷ Paande au mesua i lalu nganganta liliu mesua i lalu tainta, hai hangko inditi tatende. Bara iti au mopakedaike i peitana Pue Ala.

Matiu 15:17 ပူးပေါင်းရင်းမြစ်များ

Matiu 15:16

Mehana Yesu, Nauli, “Bara pae niisa lempona?

Matiu 15:18

Agaiana lolitanta au kedai au hangko i lalunta hai mesuwu i humenta, itimi au mopakedaike i peitana Pue Ala.

Markus 7:19

Paande au mesua iti bara mopakedai pekirinta. Lawi paande iti mesua pea i lalu tainta, hai hangko inditi liliu tatende.” Hai lolita iti, Napakanotomi Yesu kadana ara paande au rapalia.

Lukasi 6:45

Nodo wori i manusia. Tauna au maroa ina mohowara apa au maroa, lawi lalunda buke roa. Tauna au kadake ina mohowara apa au kadake, lawi lalunda buke dake. Lawi apa au ara i lalunta, iti wori au mesuwu hangko i humenta.”

1 Korintu 6:13

Ara wori lolita, “Paande mobundu i tainta, hai tai mobundu rapoihii paande.” Tou lolita iti, agaiana hambela tempo hinangkana iti ina napatuna Pue Ala. Agaiana watanta ide bara napopewali Pue Ala bona mebualosike. Watanta hangangaa tapake mobabehi peundeana Pue. Iami ampuna watanta.

Yakobu 3:6

Nodo wori lolita au tapahawe hai dilanta. Dilanta iti nodo api, lawi peisa tapake mobabehi dake. I watanta ide, dilanta mopaara hinangkana dosa au mopakedai humalele watanta hai dilanta peisa rapandiri nodo api hangko i naraka au mopakarugi ope-ope katuwonta.