Hangko indo, Natudumohe tauna bosa mohuda i hehi. Mohudamohe i hehi, Naalami Yesu roti au lima oguna hai ikane au rombaa, hai mengoa i langi mekakae i Pue Ala. Roo indo, Nabise-bisemi roti iti, pane Naweihe topeguruNa bona rakira-kiraahe tauna bosa.
Hangko inditi, Yesu motudu tauna bosa mohuda i tampo. Naalami roti iti hai mekakae i Pue Ala. Roo indo, Nabise-bisemi hai Naweihe topeguruNa bona rakira-kiraahe tauna bosa.
Nauli Yesu, “Popohudahe!” Mohuda mpuumohe, hai mohudahe i tumu hehi. Kabosanda tauna iti, ba aratohe pae lima sabuna tobalilo, bara mani teimba towawine hai anangkoi.
