Matiu 13:52 - Sura Malelaha

⁵² Hangko inditi, Nauliangaa mbulihe, “Ane nodo, ara mbuli hampaka ngkora pandiriKu: ane ara hadua guru agama to Yahudi au meula Iriko hai au rapaguru paturo kana i poparentana Pue Ala, guru agama iti peisa rapandiri nodo ampu sou au ara anu-anuna au hae hai ara wori anu-anuna au wou.”

Matiu 13:52 ပူးပေါင်းရင်းမြစ်များ

Matiu 12:35

Tauna au maroa, batenda mohowara apa au maroa, lawi lalunda buke roa. Tauna au kadake, batenda mohowara apa au kadake, lawi lalunda buke dake.

Matiu 13:51

Roo indo, Yesu mekune i topeguruNa, Nauli, “Ba niisa lempona ngkora pandiri inona?” Rahanai, “Kiisato.”

Matiu 13:53

Karoona Yesu mopahawe ope-ope ngkora pandiri, padumi hangko inditi,

Matiu 23:34

Toiorumi hangkoia mopapatehe bosa tauna au manoto babehianda, mepongka hangko i Habeli hawe i nabi Sakaria anana Berekia au rapapate i tabangaa Souna Pue Ala i olo sou malelaha hai meja pohuwea popenomba. Mewali, ina kutuduhe nabi, tauna au mapande hai guru-guru laohe irikamu au tuwo ide-ide bona mopaturoakau lolitaNgku. Agaiana arahe au ina nipapate, arahe au ina nipaku i kau mombehape, arahe au ina nipapahai i lalu sou penombaami, hai ara worihe au ina niwuwulai i boea ntanina. Kahopoana, ikamu au tuwo ide-ide ina mohalea ope-ope kanawoana toiorumi hangkoia au mopapatehe tauna au manoto.

Matiu 28:19

Mewali, laomokau i humalele dunia, nipopewalihe ope-ope tauna topeulaNgku, niriuhe i lalu hangana Uma hai Ana hai Inao Malelaha

Lukasi 11:49

Pue Ala moisa kakadakena babehiami. Babehiami iti himbela hai babehianda toiorumi au kadake. Ido hai hangkoia mongkorami Pue Ala node: ‘Ina Kutuduhe nabi-nabi hai suro-suroNgku lao irihira. Hantangahe ina rapapate, hantangahe ina rapopeahi-ahi.’

Yohane 13:34

Kuweikau hawa au wou: mombepokaahimokau. Hangangaa mombepokaahikau nodo kaKupokaahimi.

2 Korintu 6:10

Masusa lalungki, agaiana matana liliu woringkai. Tuwongki meahi-ahi, agaiana moantingkai pewati i tauna bosa. I peitana manusia, ngkaia kamakurangki, agaiana katouana hinangkana ara irikami.

Epesu 3:4

Mewali ane mobasakau surangku ide, ina niisa wori tunggaiana Pue Ala kana i Kerisitu au tewuniangi hangkoia, nodo poisangku tunggaia iti.

Epesu 3:8

Hangko i ope-ope tauna au mepoinalai i Pue Yesu, ikomi au tepaiwoi tuwongku. Nauri nodo, anti kabulana laluna Pue Ala, Napileimona bona mobambarina Ngkora Marasa i tauna au barahe to Yahudi kana i kamahilena pewati au bara tehoka au tahumba hangko i Kerisitu.

Kolose 1:7

Ngkora Marasa iti nihadi hangko i Epafras, rangangki hampopobago au kipokaahi. Epafras iti iami hawina Kerisitu au mobago liliu motulungikau.

Kolose 3:16

Hangangaa nipailalu liliu Ngkorana Kerisitu. Mombepakaroho mpolalumokau hai mombepaturokau moula sukana kanotona lalumi. Mampolingakau nani petoia, hai nani pepomahile, hai nani ntanina au naweikau Inao Malelaha. Hangko i lalumi mpuu, monanikau manguli ngkaia kamaroana i Pue Ala.

1 Timotiu 3:6

Ane ara hadua tauna au hangko mepoinalai i Pue Yesu, ia bara peisa raangka mewali penatua, dati mampemahile, alana molambi pehuku nodo au rahukua Datu Tokadake.

Titu 1:9

Hangangaa maroho pepoinalaina i paturo au tou, nodo au nadokomi bona naisa rara mopaguru tauna i paturo au tou iti hai mopakaroho lalunda, hai bona nabuku wori mopatongawa kamasalanda tauna au moewa paturo iti.