Matiu 13:30 - Sura Malelaha

³⁰ Pogiangaa peami dana tuwo hihimbela hai pare, duuna tempota mepare. I tempo iti, ina kutuduhe topepare mowuka hampai dana, ragulu, raboke hai rahuwe. Roo indo, hangko raguluri pare, hai rawoli i lalu tambaru’.”

Matiu 13:30 ပူးပေါင်းရင်းမြစ်များ

Matiu 13:25

I laembengi tangana tauna leta, hawemi iwalina topobonde iti mohawuka wua dana au ina himbela hai pare i bonde iti, hai roo indo, ia padu.

Matiu 13:29

Nahanai ampu bonde, ‘Inee, lawi ane niwuka danana, ina tewuka wori parena.

Matiu 25:32

Ope-ope tauna ina teruhu i lindoKu hai Kugaahe mewali rontobu, nodo hadua toporewu mopatani dimbana hai towauna.

Matiu 25:41

Roo indo, Kuuliangaahe au ntanda i kabeoNgku, ‘Padumokau hangko inde, ikamu au harara i UmaNgku! Mesuamokau i lalu api au rore liliu, au rapasilolonga mewali pohukuanda Datu Tokadake hai hinangka malaekana.

Matiu 3:12

Ia peisa rapandiri nodo hadua tauna au motapihi pare bona tepatani pare au moihi hai tepatani wori pare au wara. Pare au moihi napopesua i lalu tambaru, hai pare au wara natende i api.”

Lukasi 3:17

Ia peisa rapandiri nodo hadua tauna au motapihi pare bona tepatani pare au moihi hai tepatani wori au wara. Pare au moihi napopesua i lalu tambaru, hai au wara natende i api.”

Yohane 15:6

Hema au bara mohintuwu liliu hai Iko batenda ratende, nodo karatendena daa au rabohoki duuna mewali bangi. Daa iti, ragulu hai rahuwe.

1 Korintu 4:5

Ido hai kuuli, ineekau mosalai pobagonda hangka rangami. Nipegiami kahawena hule Pue. Iami au ina mobungkahi ope-ope au tewuniangi mani i lalu kamakaindi. Ia au ina mopatongawa ope-ope tunggaianda tauna au tewuniangi mani. I tempo itimi, hadua-hadua tauna ina molambi petoia hangko i Pue Ala moula kahintotoana.

1 Timotiu 5:24

Arahe tauna, au kehapiri bara mani rapohuda-hudaa kara-karanda, tongawami kamadosanda. Ara worihe tauna au bara mani taisa dosanda. Ane roorai rapohuda-hudaa kara-karanda, hangko taisari.