Matiu 13:25 - Sura Malelaha

²⁵ I laembengi tangana tauna leta, hawemi iwalina topobonde iti mohawuka wua dana au ina himbela hai pare i bonde iti, hai roo indo, ia padu.

Matiu 13:25 ပူးပေါင်းရင်းမြစ်များ

Matiu 13:24

Napahawe mbuli Yesu hampaka ngkora pandiri i tauna bosa, Nauli, “Poparentana Pue Ala nodo ngkora pandiri ide: hadua topobonde lao mohawu tinuda au maroa i bondena.

Matiu 13:26

Tuwo mpuumi pare iti duuna mowua, tuwo worimi dana i olo pare.

Matiu 13:27

Hawemohe topobagona mouliangaa ampu bonde iti, ‘Tua, bara pae tinuda au maroa au tahawuka? Hangko iumbari mai dana iti tuwo?’

Matiu 13:29

Nahanai ampu bonde, ‘Inee, lawi ane niwuka danana, ina tewuka wori parena.

Matiu 13:30

Pogiangaa peami dana tuwo hihimbela hai pare, duuna tempota mepare. I tempo iti, ina kutuduhe topepare mowuka hampai dana, ragulu, raboke hai rahuwe. Roo indo, hangko raguluri pare, hai rawoli i lalu tambaru’.”

Matiu 13:39

Iwali au mohawu dana, iami Datu Tokadake. Tempo pepare, lempona alo pebotusi i kahopoa dunia. Hai topepare, lempona malaeka.

Matiu 25:5

Agaiana anti kamahaena toratauna tobalilo iti rapepegia, alana maleluemohe anantowawine iti, hai kahopoana leta hahamohe.

Galatia 2:4

nauri ara au mopari-pari bona ratile. Ihira iti iamohe tauna au mouli katoSaraninda agaiana dongkonda pea. Mesua ngkandii-ndiihe i olongki lawi tunggaianda bona ope-ope to Sarani hangangaa mengkoruhe i Aturana Musa. Agaiana ikita barake paraluu mengkoru i atura iti bona manotoke i peitana Pue Ala. Ikita tekabahamoke hangko i aturana Musa anti pohintuwuta hai Kerisitu Yesu.

Ibarani 12:15

Mainga-ingakau dati ara rangami au mousuli hangko i Pue Ala hai mosapuaka ahiNa. Maroa-roakau datihe ara tauna au hawe mewali rasu i olomi, hai kahopoana mopakarugi pohintuwumi alana bosa tauna teanti i lalu dosa.

1 Peturu 5:8

Hangangaa manoto pekirimi hai mainga-ingakau! Lawi Datu Tokadake au mewali iwalimi molulumao nodo hambaa singa au melolo-lolo mohahaoki tauna au ina nahaka. Hangko pelolonato, melangakimi.

2 Peturu 2:1

Hangkoia arahe nabi au mepakanawo i olonda tauna au meula i Pue Ala. Nodo wori ide-ide, batena ara worihe i olomi guru agama au mepakanawo. Ihira ina mopahawehe paturo au bara tou au mopakanawo tauna, hai pelumbunami mosapuakahe Amputa au mohompo dosanda. Anti pesapuakanda iti, mopakanawomohe watanda haduduanda. Tauna iti holi-holi kaina maropunda.

Pampetudungia 12:9

Mewali, naga au mahile iti, ratende hangko i suruga hawe i dunia hihimbela hai malaekana. Iami ile au arami hangkongkoia, au rahanga Datu Tokadake ba Tadulako Seta. Ia au mopakanawo tauna au maida i humalele dunia.

Pampetudungia 13:14

Tanda kuasa iti, nababehi hangko i kuasa binata au nguru-nguruna. Hai kuasa iti, ia mopakanawomohe tauna au maida i dunia. Natudumohe moaro hambua watu molengge mewali tanda pebilanda i binata au nguru-nguruna. Binata au nguru-nguruna iti iami binata au rabata hai piho agaiana bara mate.

Pampetudungia 2:20

Agaiana ara mani au Kusalaiakau. Lawi ara hadua towawine au rahanga Isebel, au mouli kaiana hadua nabi, hai nipogiangaa pea mopaguru tauna au mepoinalai Iriko. Towawine iti mopaturohe mobabehi babehia au merikai hai laohe moande paande au rapopenomba i anitu. Bosa hawiNgku napakanawo hai paturona iti.