Matiu 12:38 - Sura Malelaha

³⁸ Roo indo, bahangkia guru agama hai toParisi mouliangaahe Yesu, “Guru, kipeinao moita tanda kuasa au Nubabehi bona kiisa kahangko i Pue Alana mpuuKo.”

Matiu 12:38 ပူးပေါင်းရင်းမြစ်များ

Matiu 12:37

Lawi hangko i lolitamu haduduamu, ina rabotusi kamasalamu ba kamanotomu.”

Lukasi 11:16

Ara worihe au mampeinao mohaoki kamanawona Yesu. Merapihe i Yesu bona Napopaitaahe tanda kuasa bona tongawa kahangko i Pue Alana.

Lukasi 11:29

Tanganda tauna bosa motoleliki Yesu, Napaliliumi lolitaNa irihira, Nauli, “Kadake ntepuukau au merapi bona Kupopaitaakau tanda kuasa. Agaiana bara ara tanda kuasa au ina rapopaitaakau. Au ina rapopaitaakau, batena pea tanda nodo au mewali i nabi Yunu hangkoia.

Yohane 2:18

Hangko inditi, tadulakonda to Yahudi mouliangaa Yesu, “Hema au moweiKo kuasa mobabehi iti? Ane ara mpuu kuasaMu, Nupopaitaangkai hambua tanda kuasa!”

Yohane 4:48

Nauli Yesu i tauna iti, “Ikamu au maida i tampo ide, ane kebarakau moita tanda kuasa, barakau ina mepoinalai!”

Yohane 6:30

Rauli mbuli tauna bosa, “Ane nodo, tanda apa au Nupopaitaangkai bona kipoinalai kahangko i Pue Alana mpuuKo? Apa au ina Nubabehi?

1 Korintu 1:22

Ane to Yahudi, barahe mounde mepoinalai ane barahe kipopaitaa tanda kuasa. Hai ane to Yunani, barahe mounde mepoinalai ane barahe kipakanotoa hai kapande manusia.