Matiu 12:36 - Sura Malelaha

³⁶ Mewali bona niisa: i alo pebotusi i kahopoa dunia, ope-ope tauna hangangaa mopangaku ope-ope lolitanda. Kehapiri lolita au bara mobundu, hangangaa rapangaku.

Matiu 12:36 ပူးပေါင်းရင်းမြစ်များ

Matiu 10:15

Tou mpuu au Kuuliangaakau, i alo pebotusi i kahopoa dunia, meliu pehukuna Pue Ala i tauna iti pane pehukuNa i ampu boea Sodomo hai Gomora hangkoia.”

Matiu 11:22

Mewali bona niisa, i alo pebotusi i kahopoa dunia, ina rumihi mpuu pehukuna Pue Ala irikamu pane pehukuNa i to Tirus hai to Sidon.

Matiu 12:37

Lawi hangko i lolitamu haduduamu, ina rabotusi kamasalamu ba kamanotomu.”

Roma 14:12

Mewali, ikita ope-ope hangangaa mohanai Pue Ala kana i babehianta.

Roma 2:16

Nodo wori i alo pebotusi i kahopoa i dunia. I tempo iti, Pue Ala ina mowei kuasa i Yesu Kerisitu bona mobotusi ope-ope au tewuniangi i laluna manusia. Itimi Ngkora Marasa au kubambari.

Yakobu 3:6

Nodo wori lolita au tapahawe hai dilanta. Dilanta iti nodo api, lawi peisa tapake mobabehi dake. I watanta ide, dilanta mopaara hinangkana dosa au mopakedai humalele watanta hai dilanta peisa rapandiri nodo api hangko i naraka au mopakarugi ope-ope katuwonta.

Pampetudungia 20:12

Hai kuitahe tomate au rapatuwo hulemohe, maroa au koi ba au mahile tuwonda, meangkahe i lindo kadera kadatua iti. Tauna au mate maliso i tahi hai ope-ope tauna au ara i paidaa tomate, meangkamohe ope-ope i lindo kadera kadatua iti. Hai rabungkahimi sura, inditi teuki ope-ope babehianda. Mewali, ope-ope tomate au rapatuwo hulemohe ina rahukuhe hintoto hai apa au teuki i lalu sura iti, karahukunda moula babehianda. Hai rabungkahi worimi sura au hambuana, hangana Sura Ngkatuwo.