Markus 9:7 - Sura Malelaha

⁷ Unga pea hawe gawu mobalungkuhihe, hai hangko i lalu gawu iti rahadimi hambua wotu au manguli, “Idemi AnaNgku au Kupokakaia. Nipehadingi lolitaNa!”

Markus 9:7 ပူးပေါင်းရင်းမြစ်များ

Matiu 27:43

Ia mepoinalai i Pue Ala, hai Nauli kaiana Anana Pue Ala. Tapeita ba mai mpuu nakabaha Pue Ala!”

Matiu 27:54

Tadulako surodado hai surodadona au mokampai Yesu, langa mpuuhe mohadi linu hai moita ope-ope au mewali iti. Rauli, “Tou mpuu Ia ide Anana Pue Ala!”

Matiu 3:17

Roo nodo, rahadimi wotuna Pue Ala hangko i langi au manguli, “Ia idemi AnaNgku au Kupokakaia hai Kupokatana.”

Markus 1:11

Roo nodo, rahadimi wotuna Pue Ala hangko i langi au manguli, “Oiomi AnaNgku au Kupokakaia hai Kupokatana.”

Markus 9:6

Katouana, Peturu mololita nodo, lawi barapi naisa apa au ina nauli anti kalanganda.

Markus 9:8

Hai i tempo iti wori, metotokihe mantoleli, barapi ara tauna ntanina hihimbela hai ihira; Yesu pearai haduduaNa.

Lukasi 3:22

hai Inao Malelaha nodo tadasi manggebodo mendaulu Iria. Hai ara hambua wotu hangko i suruga au manguli, “Oiomi AnaNgku au Kupokakaia hai Kupokatana.”

Yohane 1:49

Nauli Natanael, “Guru, tou mpuu AnanaKo Pue Ala! Oio mpuumi Datunda to Isaraeli!”

Yohane 12:28

Uma, patongawamide peawana hangaMu!” Roo indo, ara hambua wotu hangko i langi au manguli, “Kupatongawami peawana hangaNgku hai ina Kupatongawa mbuli.”

Yohane 19:7

Rauli tadulakonda to Yahudi, “Moula atura agamangki, Ia hangangaa rahuku mate, lawi Nauli kaIana Anana Pue Ala.”

Yohane 20:31

Agaiana apa au kuuki ide, kuuki bona nipoinalai kaYesunami Datu Topehompo, Anana Pue Ala, hai bona molambikau katuwo maroa au bara mokahopoa hangko i pepoinalaimi Iria.

Yohane 5:18

Hangko inditi, tadulakonda to Yahudi mohaoki liliuhe rara mopapate Yesu. Mobabehihe nodo i Yesu, bara pea anti poliungiNa ada i Alo Pengkarooangaa, agaiana lawi Nauli wori Pue Ala iami UmaNa; lempona, Ia mopahimbela wataNa hai Pue Ala.

Yohane 5:37

Hai meliu hangko inditi, UmaNgku au motuduNa mai, Ia haduduaNa mewali sabiNgku bona mopakanoto kahemaNgku. Ikamu, bara mani hambela nihadi wotuNa, bara mani niita lenggeNa.

Yohane 6:69

Ikami, kipoinalaimi hai kiisa kaOiona mpuu Suro au malelaha hangko i Pue Ala.”

Yohane 9:35

Nahadi Yesu karawurana tauna iti hangko i sou penombaa. Ido hai laomi Napombelambia, Nauliangaa, “Ba mepoinalaiko i Ana Manusia?”

Suro 1:9

Karoona mololita nodo, teangkami Yesu lao i suruga. Rapengoami duuna barapi raita lawi nabalungkuhi gawu.

Suro 7:37

Hai Musa wori au mopahawe lolita ide i to Yahudi, nauli, ‘Pue Ala ina moangka hadua hangko i halalumi. Ia ina Napopewali nabi nodo iko.’

Suro 8:36

Tanganda mokareta, moitamohe owai i wiwi rara. Nauli to Etiopia iti i Pilipu, “Peita, indolou ara owai. Peisana nuriu?”

Roma 1:4

TuwoNa malelaha nodo Pue Ala hai i pearona hangko i olo tomate, mewali hambua tanda kuasa au mopatongawa, Yesu Kerisitu Amputa iti, iami Anana Pue Ala.

Ibarani 2:1

Mewali, hangangaa tapamaroa-roa mpuu pampeulainta bambari au tou au tahadimi bona datike mopalehi pepoinalainta.

2 Peturu 1:17

Lawi hangkoia i tempona Yesu napopeawa hai nabila Pue Ala UmaNa au mahile tuwoNa i wongko bulu, arangkai hihimbela hai Ia. I tempo iti, nauli Pue Ala: “Idemi AnaNgku au Kupokakaia hai Kupokatana.”

1 Yohane 5:20

Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.

Pampetudungia 1:7

Peita! Ora mai i lalu gawu! Ia ina raita ope-ope tauna, tepesua tauna au motambuku lompeNa hangkoia. Hai ope-ope tauna i dunia ina moteriahe. Nodo mpuumi pewalina! Amin!