Markus 9:2 - Sura Malelaha

² Ini alona hangko inditi, Yesu moanti talu topeguruNa mempanai lao i wongko bulu au mapangka. TopeguruNa au talu iti iami: Peturu, Yakobu hai Yohane. Au ara i tempo iti, Yesu pea hai topeguruNa au talu iti. Tanganda inditi, tebalimi lenggeNa.

Markus 9:2 ပူးပေါင်းရင်းမြစ်များ

Matiu 14:13

Kanahadina Yesu bambari kana i kamatena Yohane, liliu padumi hangko inditi. Ia mesawi i duanga lao mopatani i paidaa au boa. Tunggaiana Yesu bona mopalehi tauna bosa. Agaiana tauna bosa mohadi kapaduna Yesu, ido hai mopalehimohe boeanda hai mekulelehe moula rara au metalinti i rano.

Markus 14:33

Agaiana Peturu, Yakobu hai Yohane Nawawahahe meula Iria. I tempo iti, masusami laluNa hai moradami.

Markus 16:12

Roo indo, Yesu mopatongawa mbulimi wataNa i rodua topeulaNa au tanganda lumao mesule hangko i Yerusale laohe i boeanda. I tempo iti, lenggeNa Yesu bara nodo biasa.

Markus 5:37

Napaliliumi Yesu polumaoNa agaiana bara mopaliu tauna bosa meula Iria, batena pea Peturu, Yakobu hai Yohane adina.

Lukasi 6:12

Hambela tempo, Yesu laomi i tongku-tongkuna, hai mekakae hambengia i Pue Ala.

Yohane 1:14

Ngkora iti mewali manusia, hai maida i olonta i dunia ide. Hai ikami, kiitami kamahilena kuasaNa. KuasaNa iti Nalambi hangko i UmaNa, lawi iami AnaNa HaduduaNa. LolitaNa tou mpuu, hai tongawa ope-ope kabulaNa laluNa irikita.

Roma 12:2

Ineekau mampeulai babehianda tauna au barahe moisa Pue Ala. Nipogiangaami Pue Ala mowouki pekirimi bona tebaliki poantimi. Lawi ane nodo babehiami, ina niisa mpuu tunggaiana Pue Ala au maroa, au mopamatana laluNa hai au bara ara kamakurana.

2 Korintu 13:1

Masilolongamona ina lao mosondakikau i kataluna belana. Nikatuinao apa au teuki i lalu Sura Malelaha au manguli, “Ane ara hadua tauna au rasalai, hangangaa ara rodua ba talu tauna au mosabiki katouna kamasalana bona manoto kara-karana.”

Pilipi 3:21

hai Ia ina mobaliki watanta au meahi-ahi ide duuna himbela hai wataNa au meawa ntepuu. Ope-ope iti, Nababehi moula kuasaNa au peisa mampopengkoru hinangkana Iria.

Pampetudungia 20:11

Roo indo, kuitami hambua kadera kadatua au bula hai mahile, hai kuita wori Hadua au mohuda indo. Anti kamakuasaNa, langi hai dunia unga pea matanta, barapi ara.