Markus 6:41 - Sura Malelaha

⁴¹ Roo indo, naalami Yesu roti au lima oguna hai ikane au rombaa iti, mengoa i langi mekakae i Pue Ala. Roo nodo, mobise-bisemi roti iti, pane Naweihe topeguruNa bona rakira-kira i tauna bosa. Hai ikane au rombaa, Nakira-kiraa worihe ope-ope.

Markus 6:41 ပူးပေါင်းရင်းမြစ်များ

Matiu 14:19

Hangko indo, Natudumohe tauna bosa mohuda i hehi. Mohudamohe i hehi, Naalami Yesu roti au lima oguna hai ikane au rombaa, hai mengoa i langi mekakae i Pue Ala. Roo indo, Nabise-bisemi roti iti, pane Naweihe topeguruNa bona rakira-kiraahe tauna bosa.

Matiu 15:36

Naalami roti au pitu oguna hai ikane kokoi au bahangkia baana iti, hai mekakae i Pue Ala. Roo indo, Ia mobise-bisemi roti hai ikane hai Naweihe topeguruNa bona rakira-kiraahe tauna bosa.

Matiu 26:26

Tanganda maande, naalami Yesu roti hai mekakae i Pue Ala. Roo indo, roti iti Nabise-bisemi hai Nakira-kiraahe topeguruNa, Nauli, “Nialami, hai niande. Idemi kamba wataNgku.”

Markus 14:22

Tanganda maande, Yesu moala roti hai mekakae i Pue Ala. Roo nodo, roti iti Nabise-bise hai Nakira-kiraahe topeguruNa, Nauli, “Niala, hai niandemi. Idemi kamba wataNgku.”

Markus 6:40

Mewali mohudamohe motobu-tobu, ara au hangatu, ara wori au lima pulona.

Markus 6:42

Maande hahamohe duunda mabuhu.

Markus 7:34

Roo indo, mengoami Yesu i langi, hai modii inaona, Nauli, “Tebungkahimi!” (I lalu basanda to Yahudi, Nauli node, “Efata!”)

Markus 8:19

roti au lima oguna au Kubise-bise mopaandehe tauna au lima sabuna? Hai hangkia bingkana pentarana au nigulu?” Rahanai topeguruNa, “Hampulo hai rombingka.”

Lukasi 24:30

Mohudamohe hihimbela ina maande, Yesu moala roti. Napekakaea, Nabise-bise hai Nahuhuahe.

Lukasi 9:16

Mohudamohe ope-ope, naalami Yesu roti au lima oguna hai ikane au rombaa, mengoa i langi mekakae i Pue Ala. Roo nodo, Nabise-bisemi roti hai ikane iti, pane Naweihe topeguruNa bona rakira-kiraahe tauna bosa.

Yohane 11:41

Roo indo, rabungkahimi watu petuko talumbana. Mengoami Yesu i langi, Nauli, “UmaNgku, Kuuli ngkaia kamaroana Irio, lawi Nuhadimi perapiNgku.

Yohane 17:1

Karoona Yesu mopahawe ope-ope iti, mengoami hai mekakae, Nauli, “UmaNgku, hawemi tempona! Popeawamide AnaMu bona AnaMu mampopeawa woriKo Uma.

Yohane 6:11

Hangko inditi, Yesu moalami roti, Napekakaea, hai rakira-kiraahe tauna bosa au tanganda mohuda. Nodo wori kaNababehina i ikane. Maandemohe ope-ope duunda mabuhu.

Yohane 6:23

Roo indo, hawemohe tauna moduanga hangko i wanua Tiberias, hai mesorehe hungku i paandea tauna bosa moande roti au nawati Pue Yesu.

Suro 27:35

Karoona Paulu mololita nodo, moalami paande, hai mekakae i Pue Ala i lindonda ope-ope tauna. Paande iti nakira-kiraahe, hai ia haduduana mepongkami maande.

Roma 14:6

Tauna au mopaioru alo au tepakanoto, iti rababehi bona mobila Pue. Tauna au moande mampopengaa paande, iti raande bona mobilahe Pue, lawi mangulihe ngkaia kamaroana i Pue Ala. Nodo wori tauna au moande peahe paande au tepakanoto. Tauna iti moulahe palianda bona mobilahe Pue, hai manguli worihe ngkaia kamaroana i Pue Ala.

1 Korintu 10:31

Agaiana kuuli: ane maandeke ba maenuke, ba apa pea au tababehi, hangangaa tababehi bona Pue Ala rapomahile.

Kolose 3:17

Apa pea au nibabehi ba au nipololita, hangangaa nibabehi hai nipololita hintoto hai poanti tauna au meula i Pue Yesu. Hai niuli ngkaia kamaroana i Pue Ala Umanta i lalu hangana Pue Yesu.