Markus 6:2 - Sura Malelaha

² I Alo Penombaa, laomi i sou penombaa mepaguru. Bosa tauna tingkara mohadi paturona Yesu, hai rauli, “Hangko iumbari mai kapandeNa? Kapande apa au ara Iria? Hangko iumbari mai kuasaNa mobabehi tanda kuasa?

Markus 6:2 ပူးပေါင်းရင်းမြစ်များ

Matiu 4:23

Yesu molumao i humalele tampo Galilea hai mepaturo i ope-ope sou penombaa. Ia mopahawe Ngkora Marasa kana i poparentana Pue Ala, hai mopakaoha worihe ope-ope tauna au mahai hai au bara masilolonga watanda.

Matiu 7:28

Karoona Yesu mololita, tingkaramohe ope-ope tauna au mohadi pepaguruNa,

Markus 1:39

Ido hai laomi Yesu mobambari Ngkorana Pue Ala i ope-ope boea i tampo Galilea hihimbela hai topeguruNa. Ia mepaguru i sou penombaa au ara inditi, hai mampopeloho tokadake au mesua i tauna.

Markus 10:1

Meangkami Yesu hangko i boea Kapernaum lao i tampo Yudea hai i tampo au ara ntanda i orupena owai Yarade. Bosahe tauna hawe motoleliki, hai Ia mopaturohe nodo biasana.

Lukasi 2:47

Ope-ope tauna au mohadi pehanaNa manguli, “Mapande mpuu Anangkoi iti!”

Lukasi 4:15

Ia mepaturo i sou-sou penombaanda to Yahudi, hai ratoia ope-ope tauna.

Yohane 6:42

Mololitamohe, hadua hai hadua, rauli, “Bara pae Yesu iti, anana pea Yusupu? InaNa hai umaNa taisahe. Moapari hai Nauli kahangko i surugaNa mai?”

Yohane 7:15

Tingkarahe to Yahudi mohadi lolitana Yesu, rauli, “Noumba pane Naisa ope-ope au teuki i lalu Sura Malelaha, lawi Ia bara mapangka posikolaNa?”