Markus 3:7 - Sura Malelaha

⁷ Hangko inditi Yesu hai topeguruNahe meangkahe lao i wiwi rano Galilea. Bosa to Galilea meula i Yesu. Bosa wori au hawe hangko i tampo Yudea,

Markus 3:7 ပူးပေါင်းရင်းမြစ်များ

Matiu 10:23

Ane rapopeahi-ahikau i boea au hambua, padukau lao i boea hambuana. Bona niisa, Kuuliangaakau, hangko damanikau roo mobambari Ngkora Marasa i humalele tamponda to Isaraeli, Iko, Ana Manusia, ina hawe.

Matiu 12:15

Naisa Yesu kaarana tunggaianda toParisi au kadake Iria. Ido hai padumi hangko inditi, hai bosa tauna meula Iria. Ia mopakaoha ope-ope tauna au mahai,

Matiu 12:16

hai nakontohe Yesu nauli, “Inee mpuu niuli-uli kahemaNgku.”

Matiu 4:25

I tempo iti, bosa mpuu tauna au meula Iria. Arahe au hangko i tampo Galilea, hangko i Dekapolis, hangko i Yerusale, hangko i tampo Yudea, hai ara worihe au hangko i ntanda orupena owai Yarade.

Markus 1:39

Ido hai laomi Yesu mobambari Ngkorana Pue Ala i ope-ope boea i tampo Galilea hihimbela hai topeguruNa. Ia mepaguru i sou penombaa au ara inditi, hai mampopeloho tokadake au mesua i tauna.

Markus 1:45

Agaiana, iumba pea kalaoana tauna iti, napololita liliuri kanapakaohana Yesu, alana Yesu barapi peisa mesua i lalu boea iti tontolea dati ratoleliki tauna. Ido hai Yesu maida pearai i raoa boea i pada wungi. Agaiana nauri nodo, bosa liliuhe tauna au hangko i boea-boeana mampeinao mampohidupaa Yesu.

Markus 3:20

Roo indo, mesulemi Yesu i sou. Agaiana bosa wori tauna hawe motoleliki, alana Yesu hai topeguruNa barapohe tepaka maande.

Markus 4:1

Hambela tempo, mepaturo mbulimi Yesu i wiwi rano Galilea. Bosa mpuu tauna teruhu motoleliki Yesu. Ido hai laomi Yesu mesawi i duanga, hai mohuda inditi, hai tauna bosa meangkahe i wiwi rano.

Lukasi 23:5

Agaiana rapaliliumi pesalainda Iria, rauli, “Anti pepaturoNa, Ia mohuweki lalunda tauna bosa moewa poparenta i humalele tampo Yahudi, mepongka i Galilea duuna hawe inde.”

Lukasi 6:12

Hambela tempo, Yesu laomi i tongku-tongkuna, hai mekakae hambengia i Pue Ala.

Lukasi 6:17

Roo indo, mempanaulumi Yesu hihimbela hai topeguruNa. Mengkaroomohe i lempena, lawi inditi bosahe tauna au meula Iria mepegia. Inditi ara worihe bosa tauna au hangko i humalele tamponda to Yahudi, hangko i wanua Yerusale hai hangko i wanua Tirus hai Sidon au i wiwi ntahi.

Yohane 7:41

Hanggaa worihe manguli, “Ia idemi Datu Topehompo!” Agaiana ara worihe au manguli, “Ia to Galilea! Datu Topehompo bara mai mesupa hangko i Galilea.

Yohane 7:52

Mehanahe rangana, rauli, “Ba to Galilea woriko! Nuwile hai nuparesa i lalu Sura Malelaha. Bara ara nabi au mesupa hangko i Galilea.”

Suro 17:10

I wengi iti, halalu hampepepoinalainda au i Tesalonika mouliangaahe Paulu hai Silas, “Agina manteulimokau hampai lao i Berea.” Mewali, lao mpuumohe. Kahawenda i Berea, Paulu hai Silas lao i sou penombaanda to Yahudi.

Suro 17:14

Mewali, to Sarani inditi hoholigahe mamporangai Paulu lao i wiwi ntahi. Agaiana Silas hai Timotiu, maida manihe i Berea.