Markus 2:8 - Sura Malelaha

⁸ Agaiana naisari Yesu apa au ara i lalunda. Ido hai Nauliangaahe, “Moapari hai nodori pekirimi?

Markus 2:8 ပူးပေါင်းရင်းမြစ်များ

Matiu 12:15

Naisa Yesu kaarana tunggaianda toParisi au kadake Iria. Ido hai padumi hangko inditi, hai bosa tauna meula Iria. Ia mopakaoha ope-ope tauna au mahai,

Matiu 16:7

Agaiana lolita iti bara raisa lempona. Mewali mololitamohe hadua hai hadua, rauli, “Ido hai Nauli nodo, lawi barake moanti roti.”

Matiu 9:4

Agaiana naisa ntepuu Yesu apa au ara i lalunda. Ido hai Nauliangaahe, “Moapari hai kadakeri pekirimi?

Markus 2:7

“Pebai mpuu tauna ide mololita nodo! Ia mopahimbela kuasaNa hai Pue Ala! Bara ara hadua tauna au peisa moampungi dosa, batena pea Pue Ala.”

Markus 2:9

Umba au mamura rauli: ‘Teampungimi dosamu,’ ba ‘Pearo, nulolomi alemu, hai molumaomoko.’

Markus 7:21

Lawi hangko i lalunta, mesupa hinangka pekiri au kadake, alana arahe au mobabehi sala i towawine ba tobalilo, arahe au manangka, mepapate,

Lukasi 24:38

Ido hai nauliangaahe Yesu, “Moapari hai langakau? Moapa wori hai bata-bata mani lalumi?

Lukasi 5:22

Naisa Yesu apa au ara i lalunda. Ido hai Nauliangaahe, “Moapari hai nodori pekirimi?

Lukasi 6:8

Agaiana naisari Yesu tunggaiana lalunda. Ido hai mouliangaa tauna au mate taiena hambali iti, “Maiko meangka inde i lindo!” Lao mpuumi meangka inditi.

Yohane 21:17

Hangko inditi, mekune mbulimi Yesu kataluna belana, “Simo, anana Yona, ba nupokaahiNa?” Masusami laluna Peturu, lawi talumi belana Yesu mekune ba nupokaahiNa. Mewali, nauli Peturu, “Pue, Nuisa hinangkana. Nuisa kakupokaahiMu.” Nauli Yesu, “Ane nodo, nukadipurahe dimbaKu.

Yohane 6:64

Nauri nodo, ara manihe hanggaa i olomi au bara mepoinalai.” (Yesu manguli nodo lawi Naisami hangko i nguru-nguruna kahemanda au bara ina mepoinalai Iria, hai Naisa worimi kahemana au ina mampobalu wataNa.)

Suro 5:3

Ido hai mololita Peturu i Ananias, nauli, “Ananias, Datu Tokadake au mokuasai lalumu! Mampodongkoamoko Inao Malelaha, lawi nuuli doi holo tampomu nuhuhumi ope-ope, moleri nuwolito hanggaa!

Suro 8:22

Menosomoko hangko i tunggaiamu au kadake iti, hai mekakaeko i Pue bona Naampungiko hangko i tunggaiana lalumu au kadake.

Ibarani 4:13

Bara ara hampaka au tewuni i peitaNa. Hinangkana au ara tepambole hai tongawa Iria. Hai Iria hangangaa tapangaku ope-ope babehianta.

Pampetudungia 2:23

Ope-ope tauna au meula iria ina Kupapatehe. Hangko inditi, ina tongawa i ope-ope jumaa kaIkona au moparesa pekiri manusia hai lalu manusia. Ina Kuhurungikau hintoto hai babehiami.