Markus 14:2 - Sura Malelaha

² Rauli, “Agaiana inee tahaka i tempo alo mahile bona dati ara pohiho i olonda tauna bosa.”

Markus 14:2 ပူးပေါင်းရင်းမြစ်များ

Matiu 26:2

“Niisa rongalo rai, ina hawe alo mahile Pasa. Hai Ana Manusia ina rahuhu bona rapaku i kau mombehape.”

Matiu 26:5

Agaiana rauli wori, “Inee hampai tahaka i alo mahile dati ara pohiho i olonda tauna bosa.”

Markus 11:18

Karahadina kapala-kapala tadulako mpenomba hai guru agama apa au nababehi Yesu iti, mohaokimohe rara mopapate Yesu anti kalanganda Iria, lawi raisa ope-ope tauna matanahe mampehadingi paturoNa.

Markus 11:32

Agaiana mapari wori ane tauli hangko i manusia pea kuasana.” Tadulakonda to Yahudi iti langahe mopakoi Yohane Toperiu datihe raewa tauna bosa, lawi ope-ope tauna manguli Yohane iti hadua nabi.

Markus 14:1

Rongalo rai ina hawe Alo Posusa Pasa hai Posusa Roti Au Bara Raragii. I tempo iti, kapala-kapala tadulako mpenomba hai guru agama mohaoki rara mohaka ngkandii Yesu bona rahuhu rapapate.

Markus 14:3

Tempona Yesu ara i boea Betania, Ia maida i souna Simo, au hangkoia ketangga. TangaNa maande inditi, hawemi hadua towawine moanti habotolo lana mawongi au masuli ntepuu holona, au rababehi hangko i uaka kau au mawongi. Napengkami botolona, hai lana iti natidorohia waana Yesu tanda pebilana.

Lukasi 20:6

Agaiana ane tauli kuasana hangko i manusia pea, hangangaa rawatuike tauna bosa, lawi ope-ope tauna manguli Yohane iti hadua nabi.”

Lukasi 22:1

Barapi mahae ina hawe alo mahilenda to Yahudi au rahanga Posusa Roti au Bara Raragii hai au rahanga wori Posusa Pasa.

Yohane 12:19

Molololitamohe toParisi, hadua hai hadua rauli, “Manangimoke dide! Peita, ope-ope tauna i dunia meulamohe Iria.”

Yohane 7:40

Tauna bosa au mohadi lolitana Yesu, arahe hanggaa au manguli, “Ia mpuumi Nabi au nadandi Pue Ala hangkoia.”