Markus 13:12 - Sura Malelaha

¹² Hambela tempo tauna ina mohuhuhe wata halalunda bona rapapate. Nodo wori hadua uma ina mohuhu wata anana, hai anangkoi ina moewahe tosaenda hai rahuhuhe bona rapapate.

Markus 13:12 ပူးပေါင်းရင်းမြစ်များ

Matiu 10:21

Hambela tempo, tauna ina mohuhuhe halalunda ba ananda au meulahe Iriko bona rapapate. Ara wori anangkoi au ina moewa tosaenda hai ina nahuhuhe rapapate.

Matiu 24:10

Bosa tauna ina mosapuaka peulanda Iriko. Ara au ina mohuhu halalunda hampepepoinalai i iwalinda. Bosa tauna mombekahihi.

Markus 13:11

Ane rahakakau hai raantikau i pebotusia, ineekau langa ba noumba pehanami. Ane hawe tempomi mololita, niuli peami apa au napopaisaakau Pue Ala. Lawi apa au niuli tempo iti, bara mesupa hangko i pekirimi, agaiana hangko i Inao Malelaha.

Markus 13:13

Anti peulami Iriko, ina rakahihikau ope-ope tauna. Agaiana tauna au meula liliu Iriko duuna i kahopoana ina tehoremahe.”

Lukasi 21:16

I tempo iti, ina rahuhukau i iwalimi. Ina rapobalukau tosaemi, halalumi, hantambiami, hai rangami. Hanggaakau ina rapapate.