Markus 11:3 - Sura Malelaha

³ Ane ara tauna mekune irikamu moapa hai nikakahi, niuliangaahe node, ‘Naparaluu Pue, Napebolo pea hai ina Napopesule deade.’ ”

Markus 11:3 ပူးပေါင်းရင်းမြစ်များ

Markus 11:2

Nauliangaahe, “Laomokau i boea au talindo. Ane hawekau inditi, ina niita hambaa ana kalide au rataka, au bara mani hambela rapodara. Nikakahi hai niantiaNa mai.

Markus 11:4

Kalaonda topeguruNa au rodua iti, rahumba mpuumi hambaa ana kalide au tetaka i wiwi rara hungku i babaka. Tanganda mokakahi kalide iti,

Markus 14:15

Ampu sou iti ina motudungiakau hambua hologa mahile au ara i wongko. Hologa iti tepasilolonga amimi, handami parewana. Inditimi nipasilolongaake paande Pasa.”

Suro 1:24

Roo indo, mekakaemohe, rauli, “Pue, Nuisa ope-ope lalunda tauna. Yudasi, au mewali suroMu hangkoia, ide-ide manawomi, hai molambimi hurungina hintoto hai babehiana. Ido hai kiperapi, Nutudungia wongkamia kahemana hangko i tauna au rodua ide au Nupilei amimi mopahuru Yudasi.”

Suro 10:36

Manoto niisa mpuumi bambari au napahawe Pue Ala irikami to Yahudi. Bambari iti mopahawe kana i rara au mopamaroa pohintuwuna Pue Ala hai manusia melempo i Yesu Kerisitu. Yesu iti iami Ampunda ope-ope tauna.

Suro 17:25

Bara wori paraluu nadurei manusia, lawi Ia bara ara kamakurana. Ia au moweike katuwo hai inao hai hinangka au taparaluu.

2 Korintu 8:9

Barakau kuparentai halalu, lawi niisa mpuu kamahilena ahina Amputa Yesu Kerisitu irikita. Ia pebuku, agaiana anti kamahilena ahiNa irikita, Ia mewali nodo hadua tauna au meahi-ahi tuwona bona anti katuwoNa au meahi-ahi, ikita peisa mewali pebuku. Ia mopaiwoi tuwoNa mewali manusia bona ikita peisa molambi katuwo maroa.