Markus 10:52 - Sura Malelaha

⁵² Nauli Yesu, “Laomoko. Lawi mepoinalaiko Iriko, Kupakaohamoko!” Unga pea meita, hai liliu meula i Yesu.

Markus 10:52 ပူးပေါင်းရင်းမြစ်များ

Matiu 11:5

au bilo meitami, au palu molumaomi, au ketangga maohami, au bongo mehadimi, tauna au mate Kupatuwo hule, hai Ngkora Marasa Kupahawemi i tauna au meahi-ahi tuwonda.

Matiu 12:22

Hangko indo, ara hadua tauna au raanti i Yesu. Tauna iti, bilo, bara peisa mololita, hai napesuangi seta. Napakaohami Yesu alana meita hai peisami mololita.

Matiu 15:28

Hangko inditi, nauli Yesu, “Mahile mpuu pepoinalaimu! Ina mewali nodo peundeamu.” Tempo iti peami, maoha mpuu anana.

Matiu 21:14

Mewali hawemohe tauna au bilo hai au mokakuda mai i Yesu, i Souna Pue Ala, hai napakaohahe Yesu.

Matiu 8:3

Napetobomi Yesu tauna iti, Nauliangaa, “Kupokana. Maohamoko!” Tempo iti pea womi, maoha.

Matiu 9:22

Membalilimi Yesu i towawine iti hai Nauliangaa, “AnaNgku, nupakaroho lalumu! Maohamoko, lawi mepoinalaiko Iriko.” Tempo iti pea womi, maohami towawine iti.

Markus 1:31

Roo indo, laomi Yesu mampeita pengantina Simo i paturuana. Nakingkimi taiena hai Napopearo. Liliu maoha, pane towawine iti mororahe Yesu hai topeguruNa.

Markus 5:34

Yesu mouliangaa towawine iti, “AnaNgku! Maohamoko lawi mepoinalaiko Iriko. Mesulemoko maroa-roa. Maohamoko, barapi ara hakimu.”

Markus 8:25

Hangko inditi, Natobo mbuli Yesu matana, hai Natudu metotoki. Maoha mpuumi matana, ido hai maroami petotokina.

Lukasi 7:50

Hangko inditi, nauli Yesu i towawine iti, “Anti pepoinalaimu Iriko, tehoremamoko hangko i huku dosamu. Mesulemoko i lalu Roa ngkatuwo.”

Lukasi 9:48

hai Nauliangaahe, “Hema au modoko hai au motulungi anangkoi ide anti peulana Iriko, lempona Ikomi au nadoko. Hai hema au modokoNa, bara Iko pea au nadoko, agaiana modoko wori Pue Ala au motuduNa. Hema au mengkaiwoi, iami au mahile tuwona.”

Yohane 9:32

Hangko i pewalina dunia, bara mani hambela tahadi tuntukana hadua tauna peisa mopakaoha tauna au bilo hangko i pesupaana peami mai.

Yohane 9:39

Nauli Yesu, “KamaiNgku i dunia ide, maiNa mobotusi, bona tauna au bilo peisa meita, hai tauna au meita ina mewali bilo.”

Suro 26:18

Idemi tunggaiaKu motuduko lao irihira bona tebungkahi matanda, hai mopalehihe kamakaindi lao i kamabaana, hai tekabahahe hangko i kuasana Datu Tokadake hai mepoinalaihe i Pue Ala. Mewali, anti pepoinalainda Iriko, teampungimi dosanda, hai mewalimohe taunana Pue Ala.’ ”