Markus 10:2 - Sura Malelaha

² Arahe bahangkia toParisi au mai mohaoki kamanawona Yesu, mekunehe, rauli, “Moula atura agamanta, ba peisa mpuu tobalilo mogaa hai towawinena?”

Markus 10:2 ပူးပေါင်းရင်းမြစ်များ

Matiu 15:12

Hangko inditi, maimohe topeguruNa, mouliangaa, “Bara pae Nuisa kakoina inaonda toParisi mohadi lolitaMu inona?”

Matiu 16:1

Hangko inditi, bahangkia toParisi hai toSaduki hawe i Yesu mohaoki kanawoaNa. Merapihe i Yesu, rauliangaa, “Nubabehiangkai tanda kuasa bona tongawa irikami kahangko i Pue AlaMu.”

Matiu 19:3

Arahe bahangkia toParisi au mai mohaoki kamanawona Yesu, mekunehe, rauli, “Moula atura agamanta, ba peisa mpuu tobalilo mogaa hai towawinena kehapiri bara motoka patoana?”

Matiu 22:35

Ara hadua guru agama hangko i olonda au mohaoki kamasalana lolitana Yesu hai pampekunena, nauli,

Matiu 23:13

Hurewumokau, guru agama hai toParisi! Batena ina molambikau rugi, lawi maroa i raoa peakau! Bara niunde mampeulai paturoNgku bona mewalikau taunana Pue Ala i lalu poparentaNa. Hai tauna ntanina au mau, nikonto.

Matiu 9:34

Agaiana toParisi, barahe mampoinalai kahangko i Pue Alana kuasana Yesu, rauli, “Tauna iti mopake kuasa hangko i datu seta, ido hai peisa mampopeloho seta.”

Markus 10:1

Meangkami Yesu hangko i boea Kapernaum lao i tampo Yudea hai i tampo au ara ntanda i orupena owai Yarade. Bosahe tauna hawe motoleliki, hai Ia mopaturohe nodo biasana.

Markus 10:3

Nahanai Yesu, nauli, “Parenta apa au naweikau nabi Musa?”

Markus 8:11

Bahangkia toParisi hawe i Yesu mekune-kunehe Iria bona mohaokihe kanawoaNa, rauliangaa, “Babehiangkai tanda kuasa bona tongawa irikami kahangko i Pue AlaMu.”

Markus 8:15

Yesu mopahawe lolita ide irihira, Nauli, “Maroa-roakau, hai mainga-ingakau i raginda toParisi hai ragina Datu Herode!”

Lukasi 11:39

Ido hai nauliangaahe Yesu, “Ikamu toParisi nodokau hadua tauna au mobahoi paenua hai tabo i raoana pea. Agaiana i lalumi, kadake ntepuukau hai mampokaelukau anu-anuna rangami.

Lukasi 16:14

Karahadina toParisi lolitana Yesu, raele-eleri, lawi mohahaoki peahe doi.

Lukasi 5:30

Inditi ara worihe toParisi hai guru-guru agama au mampeulai paturonda toParisi. Ihira mosasalaihe Yesu i topeguruNa, rauli, “Moapari pane ikamu maande hai maenu hihimbela hai toperuru asele hai tauna ntanina au kadake babehianda?”

Lukasi 6:7

Ara worihe bahangkia toParisi hai guru agama au mohaoki kanawoana Yesu, ba ina mobago i Alo Pengkarooangaa. Ido hai rakamata liliu apa au ina nababehi Yesu, lawi rapeinao mosalai Yesu.

Lukasi 7:30

Agaiana toParisi hai guru-guru agama mosapuakahe tunggaiana Pue Ala irihira, lawi barahe mampoperiu i Yohane.

Yohane 11:47

Ido hai toParisi hai kapala-kapala tadulako mpenomba mopaaramohe pogombo mahile hihimbela hai tadulako agama au ntanina, rauli, “Apa au hangangaa tababehi? Nipeita! Ngkaiami tanda kuasa au Nababehi tauna iti.

Yohane 11:57

Nodo lolitanda tauna bosa, lawi kapala-kapala tadulako mpenomba hai toParisi mampopesuwumohe parenta i tauna bosa au manguli, “Hema-hemakau au moisa kaiumbana Yesu, hangangaa niuliangaangkai bona rahaka.”

Yohane 7:32

Arahe bahangkia toParisi au mohadi pombekakaneninda tauna bosa kana i Yesu. Ido hai ihira hai kapala-kapala tadulako mpenomba motudumohe bahangkia topokampai Souna Pue Ala lao mohaka Yesu.

Yohane 7:48

Peita ane ara hadua tadulakonta ba toParisi au mepoinalai i Yesu!

Yohane 8:6

Tunggaiana pampekunenda iti, mohaoki peahe kamanawona lolitana Yesu bona rasalai. Agaiana Yesu, bara mehana. Motumpa pea mouki i tampo hai karaweNa.

1 Korintu 10:9

Ineeke mopaara karumpuna Pue, nodo au rababehi tauna i olonda hangkoia, alana matehe natilo ile.