Lukasi 9:30 - Sura Malelaha

³⁰ Unga peahe ara rodua nabi au molololita hai Ia, iami Musa hai Elia.

Lukasi 9:30 ပူးပေါင်းရင်းမြစ်များ

Lukasi 1:17

Anamu iti, ina mewali suro au hawe ioru hangko i Pue. Kamarohona hai kuasana nodo nabi Elia hangkoia. Anti kuasana hai pepaturona, ia ina mopahintuwu anangkoi hai umanda. Hai tauna au barahe meula i Pue ina nanini hule i rara au manoto. Ope-ope au nababehi iti, ina mopasilolonga lalunda tauna bosa bona motarimahe Pue.”

Lukasi 24:27

Hangko indo, Yesu mopakanotoahe ope-ope au teuki i lalu Sura Malelaha kana i wataNa, mepongka hangko i Sura Aturana Musa duuna i ope-ope suranda nabi au ntanina.

Lukasi 24:44

Roo indo, mololitami Yesu irihira, Nauli, “Ope-ope au teuki i lalu Sura Aturana Musa, suranda nabi hai i sura Petoia kana i wataNgku hangangaa tepabukei. Ide lolitaNgku au Kupahaweamokau i tempoKu mani hihimbela hai ikamu.”

Lukasi 9:19

Rahanai, “Arahe au manguli Yohane Toperiu. Ara worihe au manguli nabi Elia. Ara worihe au manguli Oio hadua nabi hangkoia au tuwo hule.”

Lukasi 9:29

Tangana Yesu mekakae, tebalikimi lindoNa, hai hampiNa mengkila-ngkila.

Lukasi 9:31

Tauna au rodua iti mewangka hai meawa mpuuhe. Ihira mampololitahe kapatena Yesu au ina Napabukei i Yerusale.

Yohane 1:17

Au tadoko hangko i Musa hangkoia iami aturana Pue Ala. Agaiana au tadoko hangko i Yesu Kerisitu melumbu hangko indo iami kabulana laluna Pue Ala hai paturoNa au manoto.