Lukasi 9:28 - Sura Malelaha

²⁸ Ualu alona hangko i pepaturoNa iti, Yesu moanti Peturu, Yohane hai Yakobu mempanai lao i wongko bulu bona mekakae.

Lukasi 9:28 ပူးပေါင်းရင်းမြစ်များ

Matiu 14:23

I pesulenda tauna iti, mempanaimi Yesu lao i bulu, hai mekakae haduduaNa. Ina kaindimi inditi mani Ia haduduana.

Matiu 5:1

Kanaitanda Yesu tauna bosa, mempanaimi lao i tongku-tongkuna hai mohuda. Pohudana peami Yesu, laomohe topeguruna hungku Iria.

Markus 1:35

Kahalona, hungku mabaa, mearomi Yesu hai padu hangko i boea iti lao mekakae haduduana i paidaa au boa.

Markus 6:46

hai mepalakana worimi irihira. KarooNa mepalakana irihira, mempanaimi Yesu i bulu lao mekakae.

Lukasi 3:21

Hangko damani Yohane ratarunggu, bosa tauna lao iria bona rariu. Yesu lao wori mampoperiu i Yohane. Karoona Yesu rariu, i tempona mekakae, tebungkahimi langi,

Lukasi 5:16

Agaiana Yesu mengkambeiha lao mekakae i hambua paidaa au boa.

Lukasi 6:12

Hambela tempo, Yesu laomi i tongku-tongkuna, hai mekakae hambengia i Pue Ala.

Lukasi 8:51

Kahawenda i souna Yairus, Yesu bara mopaliu tauna bosa mesua i paturuana anangkoi iti; batena pea Peturu, Yohane, Yakobu, inana hai umana anangkoi iti au peisahe mesua.

Lukasi 9:18

Hambela tempo, tangana Yesu mekakae haduduana, hawehe topeguruna Iria. Mekunemi Yesu irihira, Nauli, “Moula pangulinda tauna bosa, ide Iko hemaNa?”

Yohane 6:3

Mempanaimi Yesu lao i tongku-tongkuna hihimbela hai topeguruNa, hai mohudahe inditi.

2 Korintu 13:1

Masilolongamona ina lao mosondakikau i kataluna belana. Nikatuinao apa au teuki i lalu Sura Malelaha au manguli, “Ane ara hadua tauna au rasalai, hangangaa ara rodua ba talu tauna au mosabiki katouna kamasalana bona manoto kara-karana.”

Ibarani 5:7

I tempona mani Yesu tuwo i lalu dunia ide, Ia meraroa hai moteria, mekakae hai mohowara pamperapiNa i Pue Ala au makuasa mokabaha hangko i kapate. Agaiana Yesu bara moula peundeaNa haduduaNa, batena mengkoru i peundeana Pue Ala. Ido hai Pue Ala mampehadingi pamperapiNa.

2 Peturu 1:16

Kipaturoakau kamahilena kuasana Amputa Yesu Kerisitu hai kaina haweNa hule i dunia. Au kipaturoakau ide, bara pea lolita au rababehi. Kiisa apa au kipaturoakau, lawi kisabiki mata peawana tuwona Yesu.