Lukasi 9:23 - Sura Malelaha

²³ Hangko inditi, Yesu mouliangaahe ope-ope tauna, “Hema au mampeinao meula Iriko, hangangaa mokabaha peundeana haduduana hai alo-alona mohalea kau popakuana. Ane nodo, hangko peisari meula Iriko.

Lukasi 9:23 ပူးပေါင်းရင်းမြစ်များ

Roma 8:13

Ane mampeulai peake peundeana lalunta au kadake, ina mateke. Agaiana ane takabahami babehianta au kadake anti kuasana Inao Malelaha, ina molambike katuwo au bara mokahopoa.

Kolose 3:5

Mewali, anti kamatenta hihimbela hai Kerisitu, hangangaa takabaha babehianta hai katuwonta au hangkoia. Ineekau motambi-tambi dele, ineekau mobabehi babehia au merikai. Ineekau mohaoki au kadake, ineekau mampokaelu anu-anuna rangami. Lawi hema au mobabehi iti, himbela hai tauna au menomba i anitu.

2 Timotiu 3:12

Taisami: ope-ope tauna au meula i Kerisitu Yesu hai au mengkoru i Pue Ala batena ina rapopeahi-ahi.

Titu 2:12

Hai Napaturoke bona mokabahake babehianta au moula pea peundeana lalunta au kadake hai au bara hintoto hai peundeaNa. Napaturoke bona mewalike matopa, tapamaroa babehianta, hai mengkoruke Iria lianta mani tuwo i dunia ide.

Ibarani 13:13

Mewali halalu, nodo Yesu au raanti lao i raoa wanua bona rakakabosai tauna, ikita wori hangangaa mokabahake hinangka au hangko i dunia ide, hai meula peake i Yesu, kehapirike rakakabosai.