Lukasi 9:20 - Sura Malelaha

²⁰ Napekune mbulihe, Nauli, “Ane moula pelambiami, ide Iko, hemaNa?” Nahanai Peturu, “Oiomi Datu Topehompo au nadandi Pue Ala!”

Lukasi 9:20 ပူးပေါင်းရင်းမြစ်များ

Matiu 22:42

“Noumba pelambiami: hema Datu Topehompo au nadandi Pue Ala hangkoia? Pemuleana hema?” Rahanai, “Pemuleana Datu Daudi.”

Matiu 26:63

Agaiana Yesu, bara mehana. Nauli mbuli Tadulako Mpenomba Mahile Iria, “I lalu hangana Pue Ala au tuwo, uliangaangkai au manoto! Ba tou mpuu Oiomi Datu Topehompo, Anana Pue Ala?”

Matiu 5:47

Ane maroa pea lalumi i himadami, ba niuli maroami babehiami? Mogalori tauna au bara moisa Pue Ala, nodo wori rababehi.

Markus 14:61

Agaiana Yesu bara mehana, nauri hampaka lolita. Hambela mani Tadulako Mpenomba Mahile mekune Iria, nauli, “Oio mpuu pae Datu Topehompo, Anana Pue Ala au hintoto ratoia?”

Markus 8:29

Napekune mbulihe, Nauli, “Ane moula pelambiami, ide Iko, hemaNa?” Nahanai Peturu, “Oiomi Datu Topehompo!”

Lukasi 22:67

Rauli tadulako iti i Yesu, “Ide-ide Nuuliangaangkai, ba Oio mpuu Datu Topehompo?” Nahanai Yesu, Nauli, “Kehapirikau Kuhanai, batena ina bara nipoinalai.

Lukasi 9:19

Rahanai, “Arahe au manguli Yohane Toperiu. Ara worihe au manguli nabi Elia. Ara worihe au manguli Oio hadua nabi hangkoia au tuwo hule.”

Yohane 1:41

Liliu Andaria lao mohaoki Simo, nauliangaa, “Kilambimi au rauli Mesias” (au rauli wori Kerisitu, lempona: Datu Topehompo).

Yohane 1:49

Nauli Natanael, “Guru, tou mpuu AnanaKo Pue Ala! Oio mpuumi Datunda to Isaraeli!”

Yohane 11:27

Nauli Marta, “Io, Pue, kupoinalai kaOionami Datu Topehompo, Anana Pue Ala au ina mai i dunia.”

Yohane 20:31

Agaiana apa au kuuki ide, kuuki bona nipoinalai kaYesunami Datu Topehompo, Anana Pue Ala, hai bona molambikau katuwo maroa au bara mokahopoa hangko i pepoinalaimi Iria.

Yohane 4:29

“Maikau, laoke mampeita hadua tauna au mampololita ope-ope babehiangku. Ba Ia mpuumi Datu Topehompo?”

Yohane 4:42

hai mololitahe i towawine iti, “Ide-ide kipoinalai mpuumi, bara pea hangko i lolitamu, agaiana lawi kihadimi lolitaNa, hai kiisa kaIana mpuumi Datu au mohorema manusia hangko i huku dosanda.”

Yohane 7:41

Hanggaa worihe manguli, “Ia idemi Datu Topehompo!” Agaiana ara worihe au manguli, “Ia to Galilea! Datu Topehompo bara mai mesupa hangko i Galilea.

Suro 17:3

Paulu mopakanotoahe apa lempona ihi Sura Malelaha, nauli, “Datu Topehompo au nadandi Pue Ala hangkoia, hangangaa mohalea kapari duuna mate, agaiana ia tuwo hule. Yesu au kupololita irikamu ide iami Datu Topehompo.”

Suro 8:36

Tanganda mokareta, moitamohe owai i wiwi rara. Nauli to Etiopia iti i Pilipu, “Peita, indolou ara owai. Peisana nuriu?”

Suro 9:22

Agaiana kamaroho-rohoari Saulu mepaturo, ido hai rapowuli to Yahudi i Damsik, lawi ope-ope paturona iti mopakanoto kaYesuna Datu Topehompo.

1 Yohane 5:1

Ope-ope tauna au mampoinalai Yesu iami Datu Topehompo, ihirami au napoana Pue Ala. Hai hema au mampokaahi Pue Ala Umanta, batena mampokaahi wori ope-ope tauna au napoana Pue Ala.