Lukasi 7:43 - Sura Malelaha

⁴³ Nahanai Simo, nauli, “Moula iko, tauna au ngkaia indana.” Nauli Yesu, “Tou pehanamu.”

Lukasi 7:43 ပူးပေါင်းရင်းမြစ်များ

Matiu 18:27

Hangko inditi, tumbumi ahina datu mampokaahi hawina iti, ido hai nauliangaa: ‘Indamu, ineemi nubaiari.’

Markus 12:34

Kanahadina Yesu kamanotona pehanana tauna iti, Nauliangaa, “Hungkumoko mewali taunana Pue Ala!” Hangko indo, barapi ara hadua au bai mekune-kune i Yesu.

Lukasi 10:38

Hangko indo, Yesu mopaliliumi polumaona hihimbela hai topeguruNa, hawemi i hambua boea. I lalu boea iti, ara hadua towawine au rahanga Marta mampopehupe Yesu i souna.

Lukasi 7:42

Anti kadana rabuku tauna iti mobaiari indanda, naulimi tauna au moweihe doi iti, ‘Indami ineemi nibaiari.’ Mewali, hangko i tauna au rodua iti, hema au ina meliu ahina i tauna au moweihe doi rapebolo?”

Lukasi 7:44

Roo indo, Yesu mototoki towawine iti hai mololita i Simo, Nauli, “Peita towawine ide. KahaweNgku inde inona, baraNa nupasilolongaa owai pobahoiana bitiNgku, moula adanta i torare. Agaiana towawine ide mobahoi bitiNgku hai owai matana, pane naumpahi hai weluana.

Lukasi 7:47

Mewali ahina au mahile iti mopatongawa dosana au mahile raampungimi. Agaiana tauna au raampungi hangko i dosana au haodi, haodi pea wori ahina.”