Lukasi 7:39 - Sura Malelaha

³⁹ Kanaitana Simo apa au nababehi towawine iti, nauli laluna, “Ane tauna ide tou-tou mpuu hadua nabi, hangangaa Naisa kahemana towawine au motobo, hai hangangaa Naisa wori kadana maroa babehiana.”

Lukasi 7:39 ပူးပေါင်းရင်းမြစ်များ

Matiu 20:16

Napahopo Yesu ngkora pandiri iti, Nauli, “Nodo wori i alo pebotusi: bosa tauna au tepaibokoa tuwonda i tempo ide ina mewali tepaiorua i alo au ina mai. Hai bosa wori tauna au mahile tuwonda i tempo ide ina mewali tepaibokoa i alo au ina mai.”

Matiu 21:11

Rahanai tauna au hihimbela hai Ia, “Idemi Yesu, hadua nabi hangko i Nasare i tampo Galilea.”

Markus 7:21

Lawi hangko i lalunta, mesupa hinangka pekiri au kadake, alana arahe au mobabehi sala i towawine ba tobalilo, arahe au manangka, mepapate,

Lukasi 12:17

Nauli laluna topebuku iti: ‘Apa au hangangaa kubabehi? Barapi handa tambaruku kupambolii parengku.’

Lukasi 15:2

Ara worihe toParisi hai guru-guru agama au moitahe. Mohume-humemohe, rauli, “Ae! Ia mohimada hai tomadosa, hai maandehe hihimbela!”

Lukasi 16:3

Nauli laluna topobago iti, ‘Oo, apami au hangangaa kubabehi? Nakabahamona ampuku hangko i bagongku. Ane motongkona bara kubuku, hai maeana merapi-rapi.’

Lukasi 18:4

I lalu bahangkia kamahaena, topebotusi iti bara mau motulungi tobemba iti. Agaiana kahopoana, nauli laluna, ‘Kehapirina bara mengkoru i Pue Ala hai barana mobila hema pea,

Lukasi 3:8

Ane tou-tou menosokau hangko i dosami, nibabehimide babehia au maroa. Hai inee nauli lalumi: ‘Ikita ide, pemuleanake Burahima. Barake ina nahuku Pue Ala.’ Iti bara tou! Nipehadingi: ane naunde Pue Ala, pemuleana Burahima peisa Napopewali hangko i watu ide.

Lukasi 7:16

Tauna au moitahe apa au mewali iti, langamohe hai mepongkamohe motoia Pue Ala, rauli, “Hadua nabi au makuasa ntepuu ara i olonta! Hawemi Pue Ala irikita taunaNa.”

Lukasi 7:37

I lalu boea iti, ara wori hadua towawine au paka mobabehi sala. Kanahadina ara Yesu tangana maande i souna toParisi, laomi towawine iti moanti habotolo lana mawongi. Masuli ntepuu holona.

Lukasi 7:38

Maimi towawine iti hungku-hungku i bitina Yesu. Ia moteria, pane mowurui bitina Yesu hai owai matana. Roo nodo, nabowohimi weluana napopoumpahi. Moangki wori bitina Yesu hai nalanaimi lana mawongi.

Lukasi 7:40

Ido hai nauli Yesu i toParisi iti, “Simo, ara au ina Kuuliangaako.” Nahanai Simo, nauli, “Ulimide, Guru.”

Yohane 4:19

Nauli towawine iti, “Ide-ide kuisami, Oio haduaKo nabi!

Yohane 7:12

Mombekakanenimohe tauna bosa inditi. Arahe au manguli, “Ia tauna maroa.” Hantanga wori manguli, “Bara! Ia mopakanawo pea tauna bosa!”

Yohane 9:24

Roo indo, rakakio mbuli tauna au hangkoia bilo, hai rauliangaa, “Nuuli mpuu apa au tou i lindona Pue Ala! Kiisa Yesu iti iami tauna au madosa.”