Lukasi 6:38 - Sura Malelaha

³⁸ Maroakau i rangami, mewali nilambi wori au maroa. Pehoka au maroa, au melabi hai au rapii-pii hawe melumbea, iti ina nilambi. Lawi hoka au nipake i hangka rangami iti wori au rahokaakau.”

Lukasi 6:38 ပူးပေါင်းရင်းမြစ်များ

Matiu 10:42

Hema au motulungi hadua topeulaNgku lawi ia mpuumi topeulaNgku, ina molambi hurungina i alo au ina mai. Kehapiri hadua tauna mowei pea owai ntoo i hadua topeulaNgku au koi tuwona, ia ina molambi hurungina hangko i babehiana au maroa.”

Matiu 7:2

Lawi hoka au nipake i hangka rangami, iti wori au ina rahokaakau. Lempona, ane mobotusikau rangami, nodo wori Pue Ala ina mobotusi kara-karami.

Markus 4:24

Mololita mbuli Yesu, Nauli, “Nipailalu apa au nihadi ide. Lawi ane ngkaia au nihadi hai nipeulai, ngkaia wori au ina napakanotoakau Pue Ala, ba melumbuto mani hangko inditi.

Lukasi 6:30

Ane ara au mamperapi ba apa pea, niwei woia. Hai ane ara au moala ba apa-apa hangko irikamu, ineemi niperapi sule.

Yakobu 2:13

Lawi hema au bara ara kamaahina i rangana ina rahuku, hai i karahukuna iti, bara ina ara kamaahina Pue Ala iria. Agaiana tauna au ara kamaahina i rangana, Pue Ala ina motudungia kamaahiNa iria i alo pebotusi.