Lukasi 5:34 - Sura Malelaha

³⁴ Nahanaihe Yesu hai ngkora pandiri ide, Nauli, “Tauna i posusa petauna barahe mopuasa i tempona toratauna tobalilo ara mani i olonda.

Lukasi 5:34 ပူးပေါင်းရင်းမြစ်များ

Matiu 22:2

“Pue Ala nodo datu i lalu lolita ide: hadua datu mobabehi susa i petaunana anana.

Matiu 9:15

Nahanaihe Yesu hai ngkora pandiri, Nauli, “Tauna i posusa petauna barahe mopuasa i tempona toratauna tobalilo ara mani i olonda. Agaiana hambela tempo, toratauna tobalilo ina raala hangko i olonda. I tempo itirai, hangko mopuasahe.”

Lukasi 5:33

I tempo iti, arahe bahangkia tauna au mouliangaa Yesu, “Topeguruna Yohane Toperiu paka mopuasa hai mekakaehe. Nodo wori topegurunda toParisi. Moapari pane topeguruMu barahe mopuasa? Maande hai maenu liliuhe.”

Lukasi 5:35

Agaiana hambela tempo, toratauna tobalilo ina raala hangko i olonda. I tempo itirai, hangko mopuasahe.”

Yohane 3:29

Napaliliu Yohane lolitana, nauli, “Pandirina i posusa petauna, torabua tobalilo mewali patoa posusa lawi torabua towawine iami ampuna. Topeporangaina meangka pea i holana mampehadingi hawana, hai matana mpuu ane mohadimi lolitana toratauna tobalilo. Nodo wori iko, nodona tauna au meporangai iti, rumihi mpuu kamatanangku mohadi lolitana Yesu.

2 Korintu 11:2

Mohirina lawi arahe tauna au mampeinao moalakau hangko iriko. Agaiana pohiringku ide hintoto hai peundeana Pue Ala. Lawi ikomi au nguru-nguruna moantikau mepoinalai i Kerisitu. Peundeaku bona mepoinalai liliukau i Kerisitu, lawi ikamu peisa rapandiri nodo anantowawine au ina kutauna hai hadua tobalilo, iami Kerisitu.