Lukasi 5:32 - Sura Malelaha

³² BaraNa mai mokakio tauna au manoto babehianda. KamaiNgku ide, maiNa mokakio tomadosa bona mampenosoihe dosanda.”

Lukasi 5:32 ပူးပေါင်းရင်းမြစ်များ

Matiu 18:10

“Mewali, mainga-inga mpuukau. Inee nipakoi tauna au koi tuwona nodo anangkoi ide, nauri hadua pea. Lawi tou-tou Kuuliangaakau: malaeka au mokampaihe maida liliu i lindona UmaNgku au ara i suruga.

Matiu 9:13

BaraNa mai mokakio tauna au manoto babehianda. Kamaingku ide, mokakioNa tomadosa bona menosohe hangko i dosanda. Mewali, nipekiri hampai apa lempona Ngkorana Pue Ala au teuki node: ‘Bara Kuperapi binata au nipopenomba Iriko. Au Kuperapi bona maahikau i hangka rangami.’ ”

Markus 15:10

(Pilatu manguli nodo, lawi naisa: kapala-kapala tadulako mpenomba mohuhuhe Yesu iria anti kamahinanda.)

Markus 15:7

I pare iti, ara hadua toratarunggu au meewa i topoparenta, hangana Baraba. Baraba hai rangana mopapatehe tauna i lalu peewanda i topoparenta Roma.

Markus 2:17

Nahadi Yesu lolitanda, ido hai Nauliangaahe, “Tauna au bara mahai, bara moparaluu sando. Tomahai pea au moparaluu sando. BaraNa mai mokakio tauna au manoto babehianda. KamaiNgku ide, maiNa mokakio tomadosa bona menosohe hangko i dosanda.”

Lukasi 15:10

Nodo wori kamatananda malaekana Pue Ala mampokatana hadua tomadosa au menoso hangko i dosana.”

Lukasi 15:7

Nodo wori i suruga, ane hadua tauna au madosa menoso hangko i dosana, melumbu kamatanana Pue Ala mampokatana tauna iti pane hahio pulona hai hahio tauna au manoto au bara paraluu menoso.”

Lukasi 19:10

Ido hai Iko, Ana Manusia, maiNa i dunia ide. Lawi tunggaiaKu bona mohaokiNa tauna au karao hangko i Pue Ala hai mohoremahe hangko i huku dosanda.”

Lukasi 24:47

Ope-ope tauna hangangaa menoso hangko i dosanda, bona naampungihe Pue Ala, anti kanapahurunda Datu Topehompo. Bambari iti hangangaa rapahawe i humalele dunia, mepongka i Yerusale.

Lukasi 5:31

Nahanaihe Yesu, Nauli, “Tauna au bara mahai, bara moparaluu sando. Tomahai pea au moparaluu sando.

Lukasi 5:33

I tempo iti, arahe bahangkia tauna au mouliangaa Yesu, “Topeguruna Yohane Toperiu paka mopuasa hai mekakaehe. Nodo wori topegurunda toParisi. Moapari pane topeguruMu barahe mopuasa? Maande hai maenu liliuhe.”

Suro 17:30

Hangkoia, menombake i anitu. Nauri nodo, barake nahuku Pue Ala. Ia motuko pea mataNa i kantulita iti. Agaiana ide-ide, Natuduhe ope-ope tauna i humalele dunia bona menosohe hangko i dosanda.

Suro 2:38

Nahanai Peturu, “Hangangaa menosokau hadua-hadua hangko i dosami, hai hangangaa rariukau i lalu hangana Yesu Kerisitu. Ane nodo, Pue Ala ina moampungi dosami, hai Naweikau Inao Malelaha.

Suro 20:21

Kupopaingaa liliukau, maroa ikamu to Yahudi maroa ikamu au bara to Yahudi bona menosokau hangko i dosami hai mepoinalaikau i Amputa Pue Yesu.

Suro 3:19

Halalu-halalu, ido hai hangangaa menosokau hangko i dosami hai mengkorukau i Pue Ala bona Naampungi dosami. Hangko indo, Pue Ala ina mopakaroho lalumi, hai motudu Yesu mai irikamu. Lawi Iami au napakanoto Pue Ala mewali Datu Topehorema.

Suro 3:26

Ido hai Pue Ala mopatuwo hule Yesu AnaNa. Nguru-nguruna Yesu Natudu mai irikita to Yahudi bona Nawatike hai Naninike mampenosoi hinangkana babehianta au kadake.”

Suro 5:31

hai Napopohuda ntanda i koanaNa. Naweimi kuasa mewali Tadulako hai Topehorema bona to Isaraeli menosohe hangko i dosanda hai molambihe peampungi.