Lukasi 5:25 - Sura Malelaha

²⁵ Meangka mpuumi topalu iti i lindonda tauna bosa, mololomi alena, hai mesule lao i souna, hai tangana lumao ia motoia liliu Pue Ala.

Lukasi 5:25 ပူးပေါင်းရင်းမြစ်များ

Matiu 9:8

Karaitana tauna bosa apa au mewali iti, langamohe, hai motoiahe Pue Ala, rauli, “Mahile mpuu kuasana Pue Ala au Nawei manusia!”

Markus 2:12

Mearo mpuumi topalu iti, mololo alena, hai molumaomi lao i olonda tauna bosa. Karaitana tauna bosa apa au mewali iti, tingkaramohe ope-ope, hai motoiahe Pue Ala, rauli, “Bara mani hambela taita au mewali nodo!”

Lukasi 13:13

Roo indo, Yesu motobo towawine iti. Unga pea manoto bengona, meangkami, hai liliu motoia Pue Ala.

Lukasi 18:43

Unga pea meita. Hangko indo, liliu meula i Yesu hai motoia Pue Ala. Hai ope-ope tauna au moita apa au mewali, motoia worimohe Pue Ala.

Lukasi 5:13

Napetobomi Yesu tauna iti, Nauliangaa, “MauNa. Maohamoko!” Unga pea maoha tauna iti.

Yohane 9:24

Roo indo, rakakio mbuli tauna au hangkoia bilo, hai rauliangaa, “Nuuli mpuu apa au tou i lindona Pue Ala! Kiisa Yesu iti iami tauna au madosa.”