Lukasi 5:21 - Sura Malelaha

²¹ Bahangkia guru agama hai toParisi mohadihe lolitana Yesu iti. Nauli lalunda, “Hemari tauna ide pane bai mopahimbela kuasaNa hai Pue Ala? Bara ara hadua au peisa moampungi dosa, batena pea Pue Ala!”

Lukasi 5:21 ပူးပေါင်းရင်းမြစ်များ

Matiu 26:65

Kanahadina Tadulako Mpenomba Mahile apa au nauli Yesu, ia mohepami baduna anti karumpuna, hai nauli, “Tauna ide mopahimbela kuasaNa hai Pue Ala! Barapi mobundu ara sabi! Nihadi mpuumi lolitaNa mopakoi tuwona Pue Ala.

Matiu 9:3

Bahangkia guru agama mohadi lolitana Yesu iti. Nauli lalunda, “Kadake mpuu tauna ide. Ia mopahimbela kuasaNa hai Pue Ala!”

Lukasi 3:8

Ane tou-tou menosokau hangko i dosami, nibabehimide babehia au maroa. Hai inee nauli lalumi: ‘Ikita ide, pemuleanake Burahima. Barake ina nahuku Pue Ala.’ Iti bara tou! Nipehadingi: ane naunde Pue Ala, pemuleana Burahima peisa Napopewali hangko i watu ide.

Lukasi 5:17

Hambela tempo, tangana Yesu mepaturo, arahe bahangkia toParisi hai guru-guru agama au mohuda inditi. Ihira hawe hangko i boeanda i tampo Galilea, Yudea, hai hangko i wanua Yerusale. Kuasana Pue Ala ara i Yesu, ido hai Nabuku mopakaoha tomahai.

Lukasi 5:22

Naisa Yesu apa au ara i lalunda. Ido hai Nauliangaahe, “Moapari hai nodori pekirimi?

Lukasi 7:49

Ido hai mololitamohe tauna au maande sambela, hadua hai hadua, rauli, “Hemari tauna ide, pane Nabuku moampungi dosa?”

Yohane 10:33

Rauli to Yahudi, “Barari anti bagoMu au maroa pane ina kipapateKo, agaiana anti popapakoiMuri Pue Ala! Oio, manusia biasa peaKo, agaiana Nuuliri Pue AlaKo!”

Roma 8:33

Hai ikita au napileimoke Pue Ala, hema mani au peisa mosalaike, lawi Pue Ala haduduaNa mopakanoto kadanta masala?