Lukasi 4:36 - Sura Malelaha

³⁶ Tingkaramohe ope-ope tauna au moita iti, alana mololitahe hadua hai hadua, rauli, “Apa wei dide? Makuasa mpuu lolitaNa! Mogalori seta, mampeulaihe hawaNa.”

Lukasi 4:36 ပူးပေါင်းရင်းမြစ်များ

Matiu 9:33

Yesu mampopelohomi seta hangko i tauna iti, pane peisami mololita. Rapotingkara tauna bosa moita au mewali iti, rauli, “Mahile ntepuu kuasaNa! Bara mani hambela taita au nodo Ia i tamponda to Isaraeli!”

Markus 1:27

Tingkaramohe ope-ope tauna au moita iti, hai molololitahe, mombekune hadua hai hadua, rauli, “Apa wei dide? Ide paturo wou, hai tauna ide makuasa ntepuu! Mogalori tokadake, mampeulaihe hawaNa!”

Markus 7:37

Tingkara mpuuhe tauna bosa, rauli, “Hinangka au Nababehi, maroa haha. Tauna au bongo Napakaoha! Tauna au bara peisa mololita, mololitamohe!”

Lukasi 2:18

Tingkarahe ope-ope tauna au mohadi lolitanda toporewu.

Lukasi 4:32

Tingkaramohe tauna au mohadi pepaguruNa, lawi lolitana buke kuasa.

1 Peturu 3:22

Hai i karapatuwoNa hule, Yesu mengkaoremi lao i suruga, mohuda ntanda i koanana Pue Ala. Ope-ope malaeka hai au makuasa hai au moparenta, rapopengkoru hahahe Iria.