Lukasi 24:52 - Sura Malelaha

⁵² Molingkudumohe menomba Iria, pane mesulehe i Yerusale hai matana mpuu lalunda.

Lukasi 24:52 ပူးပေါင်းရင်းမြစ်များ

Matiu 28:17

Inditi, moita mpuumohe Yesu, hai menombahe Iria. Agaiana ara wori au bata-bata mani lalunda.

Matiu 28:9

Bila-bila Yesu hawemi i olonda towawine iti, hai Natabehe. Maimohe hungku-hungku, mokalapui bitiNa hai menomba Iria.

Lukasi 24:51

TangaNa mewati, teangkami Yesu lao i suruga.

Lukasi 24:53

I Yerusale, alo-alona maidahe i Souna Pue Ala hai motoiahe Pue Ala.

Yohane 14:28

Nihadimi lolitaNgku inona au manguli: ‘Ina paduNa, hai ina mesule huleNa irikamu.’ Ane nipokaahi mpuuNa, hangangaa nipokatana wori kalaoNgku i UmaNgku, lawi UmaNgku meliu kamahilena tuwoNa pane Iko.

Yohane 16:22

Nodo wori ikamu: ide-ide masusa lalumi lawi ina paduNa. Agaiana ina Kupohidupaa hulekau. I tempo iti, ina matana hulekau, hai bara ara au peisa moala kamatana iti hangko irikamu.

Yohane 16:7

Agaiana katouana, ina molambikau roa ane paduNa! Lawi ane baraNa padu, bara ina hawe Topetulungi. Agaiana ane paduNa, ina Kutudu Topetulungi iti mai irikamu.

Yohane 20:28

Nauli Tomas, “Oiomi Ampuku hai Pue Ala au kupenombai!”

Suro 1:12

Roo indo, mesulemohe topeguruNa hangko i Bulu Saitun lao i Yerusale. Bulu Saitun iti, hakilo kakaraona hangko i Yerusale.

1 Peturu 1:8

Nauri bara manikau moita Yesu Kerisitu, agaiana, nipokakaiami. Hai ide-ide, bara mani wori niita, agaiana nipoinalaimi. Ido hai matana lalumi, hai kamatanami iti mahile, melumbu hangko i apa au peisa rapololita.