Lukasi 22:53 - Sura Malelaha

⁵³ Alo-alona araNa hihimbela hai ikamu i Souna Pue Ala mepaturo. Moapa hai baraNa nihaka i tempo iti? Agaiana kaindi rai hangko baikau mohakaNa. Idemi tempomi, lawi ide wori tempona Datu Tokadake au makuasa i hinangkana au makaindi!”

Lukasi 22:53 ပူးပေါင်းရင်းမြစ်များ

Matiu 21:23

Roo indo, Yesu mesua i lalu Souna Pue Ala hai mepaturo. Tangana mepaguru, hawemohe kapala-kapala tadulako mpenomba hai totosaenda to Yahudi mekune Iria, rauli, “Nuuliangaangkai, hangko iumba kuasaMu mobabehi ope-ope iti i Souna Pue Ala? Hema au moweiKo kuasa iti?”

Lukasi 22:52

Roo indo, Yesu mouliangaahe kapala-kapala tadulako mpenomba hai topokampai Souna Pue Ala hai totosaenda to Yahudi au mai mohaka, Nauli, “Tauna kadakeriNa pae dide, pane maiNa nihaka moantikau piho hai pewombe?

Lukasi 22:54

Hangko inditi, rahakami Yesu hai raanti lao i souna Tadulako Mpenomba Mahile. Peturu meula ngkarao pea.

Yohane 12:27

“Masusa mpuu ide laluNgku. Barapi Kuisa apa au hangangaa Kuuli, ina mekakaena Kuuli: ‘Uma, Nukabaha wongkoia hangko i kapari au ina morumpaNa!’ Agaiana idomi tunggaiaKu mai i dunia bona mantodihaNa kapari iti.

Yohane 13:30

Kanadokona Yudasi roti iti, padumi lao i raoa. I tempo iti, kaindimi.

Yohane 14:30

Barapi ngkaia katepakaNgku mololita hai ikamu, lawi ina hawemi Datu Tokadake. Ia au mokuasai dunia ide, agaiana bara makuasa Iriko.

Yohane 7:30

I tempo iti, rapeinaomi mohaka Yesu, agaiana bara ara au bai mokingki, lawi bara mani hawe tempoNa.

Yohane 7:45

Topokampai Souna Pue Ala au ratudu mohaka Yesu mesulemohe lao i toParisi hai i kapala-kapala tadulako mpenomba. Barahe mewali mohaka Yesu. Mekunehe tadulako iti irihira, rauli, “Moapari hai bara nihaka hai nianti mai?”

Suro 26:18

Idemi tunggaiaKu motuduko lao irihira bona tebungkahi matanda, hai mopalehihe kamakaindi lao i kamabaana, hai tekabahahe hangko i kuasana Datu Tokadake hai mepoinalaihe i Pue Ala. Mewali, anti pepoinalainda Iriko, teampungimi dosanda, hai mewalimohe taunana Pue Ala.’ ”

Epesu 6:12

Lawi i pombealata ide, barake moewa manusia agaiana moewake au makuasa au bara taita. Moewake tadulako-tadulako kamakaindi au makuasa i dunia. Moewake hinangka seta hai tokadake au mokuasai laerawa.

Kolose 1:13

Ia mokabahamoke hangko i kuasa au makaindi, hai Napopewalimoke taunaNa i lalu poparentana AnaNa au Napokaahi.