Lukasi 22:32 - Sura Malelaha

³² Agaiana Kupekakaengaako Simo bona dati maguli pepoinalaimu. Mewali, ane menosoko hai mesuleko Iriko, hangangaa nupakaroho lalunda halalumu.”

Lukasi 22:32 ပူးပေါင်းရင်းမြစ်များ

Matiu 18:3

hai Nauliangaahe, “Tou lolitaNgku ide: ane barakau mobaliki babehiami hai mewali nodo anangkoi ide, barakau ina mewali taunana Pue Ala i lalu poparentaNa.

Matiu 26:75

Nakatuinaomi Peturu lolitana Yesu au mouliangaa, “Hangko damani motuturua manu, talumi belaNgku nusapuaka.” Padumi Peturu lao i raoa, hai moteriami monggoro-nggoro lawi masusa laluna.

Markus 14:72

I tempo iti, motuturuami manu karombelana. Nakatuinaomi Peturu lolitana Yesu au manguli, “Hangko damani motuturua manu karombelana, talumi belana nusapuakaNa.” Ido hai moteriami Peturu monggoro-nggoro.

Markus 16:7

Laomokau i Peturu hai topeguruna Yesu au ntanina niuliangaahe node: Yesu tuwo hulemi. Moiorumi lao i tampo Galilea, hai Ia ina niita inditi nodo au Nauliangaamokau.”

Lukasi 8:13

Tinuda au manawo i tampo au mowatu-watu, lempona mohadihe Ngkorana Pue Ala, tou-tou matana lalunda. Mepoinalaimohe, agaiana pepoinalainda iti bara maroho, nodo tuda-tuda au bara mouaka. Ido hai ane molambihe kapari anti pepoinalainda i Ngkorana Pue Ala, mousulihe hai barapohe mepoinalai.

Yohane 14:19

Hampalai pearai, barapoNa ina raita tauna i dunia. Agaiana ikamu, ina niitaNa hai ina tuwokau, lawi Iko, tuwoNa.

Suro 3:19

Halalu-halalu, ido hai hangangaa menosokau hangko i dosami hai mengkorukau i Pue Ala bona Naampungi dosami. Hangko indo, Pue Ala ina mopakaroho lalumi, hai motudu Yesu mai irikamu. Lawi Iami au napakanoto Pue Ala mewali Datu Topehorema.

Roma 8:32

Ia bara mampokabohi AnaNa au haduduaNa, bona mate mopahuruke, noumba kadanta ina Nawei paka-pakana?

Roma 8:34

Barapi ara au ina manguli hangangaa rahukuke. Lawi Yesu Kerisitu au matemi mohuru dosanta, hai au tuwo hulemi, hai au mohuda ntanda i koanana Pue Ala, Iami au mamperuruike.

2 Timotiu 2:18

Mopahala batakamohe paturo au tou, rauli pearonda tomate liumi. Paturonda au sala iti mopawulimohe bahangkia tauna alana pepoinalainda barapi mobundu.

Titu 1:1

Sura ide hangko iriko, Paulu, hawina Pue Ala hai surona Yesu Kerisitu. Naangkana Pue Ala mewali suroNa, hai Natuduna mopakaroho pepoinalainda tauna au Napilei. Natudu worina mopaguruahe paturo au tou, lawi ane tapeulai paturo au tou iti, ina mengkoruke i Pue Ala.

Ibarani 12:15

Mainga-ingakau dati ara rangami au mousuli hangko i Pue Ala hai mosapuaka ahiNa. Maroa-roakau datihe ara tauna au hawe mewali rasu i olomi, hai kahopoana mopakarugi pohintuwumi alana bosa tauna teanti i lalu dosa.

Ibarani 7:25

Ido hai Nabuku mokabahake hangko i huku dosanta hai moweike katuwo maroa au bara ara kamakurana, asala mohungkukike Pue Ala i lalu hangana Yesu. Lawi Ia au tuwo i hae-haena hai mamperurui liliuke i lindona Pue Ala.

1 Peturu 1:1

Sura ide hangko iriko, Peturu, surona Yesu Kerisitu. Sura ide kupakatu irikamu halalungku au napileimokau Pue Ala, au mahawukau i propinsi Pontus, Galatia, Kapadokia, Asia hai Bitinia, hai au maidakau nodo topolilo i olonda tauna au barahe moisa Pue Ala.

1 Peturu 1:13

Mewali, halalu, anti kamarohona peharungami, ido hai kuuliangaakau: nipakanoto pekirimi, nirempeki peundeana lalumi au kadake, hai nipakaroho peharungami i kabulana laluNa au ina raweikau ane hawe hulemi Yesu Kerisitu.

1 Peturu 1:5

Hai anti pepoinalaimi, Nakampaikau Pue Ala hai kuasaNa hangko i ope-ope dake bona molambikau katehorema au ina Napatongawa i kahopoa dunia.

2 Peturu 3:14

Mewali halalu au kupokaahi, tangami mampepegia alo iti, nipari-pari meula i Pue bona maroa pohintuwumi hai Ia, hai bona bara ara kamasalami ba kamaeami ane hawekau i lindona Pue Ala.

1 Yohane 2:19

Tauna au mampoiwalihe Kerisitu iti arahe i olonta hangkoia, agaiana katouana barahe ranganta. Ido hai padumohe mopatani hangko irikita. Ane rapana tou-tou rangantahe, kemia-miahe taporanga. Agaiana megaakimohe hangko irikita, ido hai manoto kadanda mpuu huba hadua au himbela hai ikita.