Lukasi 22:30 - Sura Malelaha

³⁰ bona maande hai maenu sambelake i hambua meja i lalu poparentaKu. Hai ina mohuda worikau i pohudaa au hampulo hai rombua moparentai to Isaraeli au hampulo hai rontina.”

Lukasi 22:30 ပူးပေါင်းရင်းမြစ်များ

Matiu 19:28

Nahanai Yesu, “Bona niisa: i alo pebotusi i tempona Pue Ala mopawou hinangkana, Iko Ana Manusia ina mohuda moparenta i pohudaa au meawa. I tempo iti, ikamu au meula Iriko ina mohuda worikau i pohudaa au hampulo hai rombua, moparenta to Isaraeli au hampulo hai rontina.

Matiu 5:3

“Morasihe tauna au bara rasauru hai meharunga peahe i Pue Ala, lawi ihirami au mewali taunana Pue Ala i lalu poparentaNa.

Matiu 8:11

Mewali bona niisa, i lalu poparentaNa Pue Ala, bosa tauna au barahe to Yahudi ina mewali taunaNa. Ina maihe hangko i humalele dunia, mohudahe hai maandehe matana-tana i lalu suruga hihimbela hai Burahima, Isaki hai Yako, toiorunda to Yahudi.

Lukasi 12:37

Morasihe hawi au mainga-inga hai mampegia ampunda, duuna hawe. Lawi ampunda iti ina mowewe pekona, napopohudahe, hai narorahe.

Lukasi 14:15

Tanganda maande, hadua torare au mohadi lolitana Yesu inona, mololita i Yesu nauli, “Morasi mpuu tauna au ina maande hihimbela hai Pue Ala i lalu poparentaNa.”

2 Timotiu 2:12

Ane sabarake mohalea kapari anti peulanta Iria, ina moparenta worike hihimbela hai Ia. Agaiana ane tasapuaka peulanta Iria, ina Nasapuaka wori kaikitana taunaNa.

Yakobu 1:1

Tabea hangko iriko, Yakobu, hawinana Pue Ala hai Pue Yesu Kerisitu. Sura ide kupakatuakau to Isaraeli au hampulo hai rontina au mahawukau i humalele dunia.

Pampetudungia 19:9

Hangko indo, malaeka iti mouliangaana, “Nuuki node: morasihe tauna au rakakio lao i posusa petauna Ana Dimba.” Hai nauli mbuli, “Idemi lolitana Pue Ala, hai batena tou.”

Pampetudungia 3:21

Hema au menangi, ina Kupopohuda hihimbela hai Iko i kadera kadatuaNgku, nodo Iko au menangimoNa, hai mohudaNa moparenta hihimbela hai UmaNgku i kadera kadatuaNa.

Pampetudungia 4:4

Hai mantoleli kadera kadatua, ara wori rompulo hai iba pohudaa datu. Pohudaa iti rapohudai rompulo hai iba totosae au mehampi bula hai mesongko bulawa.